掃呢頁CODE去手機

2015年11月12日 星期四

麥明詩四個月腩 走晒樣 [壹週刊 - 1340] 麥明詩,M1,



選完港姐唔夠半年,麥明詩的身材就走晒樣,巨腩大籮,跌晒 watt。

娛樂偵訊

麥明詩四個月腩 走晒樣

23歲的「十優港姐」麥明詩( Louisa),超班學歷加上樣貌端莊身材均勻,最終大熱奪冠;但事隔唔夠半年,竟然走晒樣。日前,記者在圓方見到麥明詩陪媽咪 shopping,著住 deep V露臍衫的她,中門大開,上半身還正常,但下半截就突然長肉,最礙眼係凸出一個似有咗四個月的巨腩。再唔 keep,小心好似肥苟咁,返唔到轉頭呀!

肥底要 keep

當選後,麥明詩的負面新聞幾乎冇停過!繼續被其他佳麗排斥變「孤獨精」外,又被指瘋狂收兵,硬撬蔡思貝男友麥秋成,甚至因為唔肯認「大狀男友」林作,搞到要在網上補鑊,氹番對方。

奪冠後壓力有增無減,上月父母安排到澳洲旅行,讓寶貝女遠離是非。叉電散心放縱一星期,麥明詩心廣體胖,肥咗唔少。

「 Louisa係肥底,唔 keep就好易肥嗰種,讀 U嗰陣都仲有啲 baby fat。之後選港姐壓力爆煲,有段時間仲成日匿喺屋企喊,先搞到得番唔夠一百磅;而家選完暫時都唔係好多嘢做,又未有劇拍,所以脹番唔少。」麥明詩身邊人說。

一向自信的麥明詩,大 deep V冇問題,可惜下半截太多肉,扣咗唔少分。

同媽咪去圓方 H&M入平貨,兩母女拎住戰利品行返屋企期間,雞啄唔斷。

真空上陣

上個禮拜,冇工開的麥明詩做孝順女,陪媽咪行圓方。自信爆燈的她當日真空上陣,以黑色低 V開胸落臍衫出動;可惜貼身衫令麥明詩的四個月巨腩無所遁形,二十三吋蛇腰唔見咗,加埋條勁蝦人著的淺色貼身褲,大髀同 pat pat因為太多肉,養眼打扮,變成礙眼。

冇化妝,面色有點青的麥明詩同媽咪在平價品牌 H&M買了兩大袋,之後便直接行返漾日居寓所。

參選時的麥明詩,泳衣環節晒 23吋蛇腰, fit到漏。

被踢爆有個「大狀男友」林作,麥明詩否認兼在 ig發表「不夠成熟論」,傷透大狀心。

日前同死敵龐卓欣出席慈善活動時,麥明詩表示正同無綫傾約,合約長短未傾好,有可能會做番律師。

上月中麥明詩同父母去澳洲旅行散心,回來後吹脹了一個碼。

撰文、攝影、攝錄:娛樂組

鍾意就快D Share啦!