盧頌之戴罪立功派飯洗底
（口靚）模盧頌之（DaDa）早前被判醉駕罪成，她直認事發後曾終日躲在家中「避世」，如今走出陰霾，決定做義工回饋社會，積極洗底！日前她言出必行到惜食堂做義工，為一班老人家派飯菜：「由出事至依家，我都已經參加咗好多義工活動。」
盧頌之一身樸實打扮做義工，為老人家派飯菜。
盧頌之不介意由簡單工作做起，最緊要幫到人！
派完飲品又抹枱，盧頌之做得有板有眼。
盧頌之雙手攞滿飲品，非常落力！
今年7月盧頌之（DaDa）與電台DJ陳達仁及友人飲酒消遣後，冒險駕車，發生交通意外，令陳達仁骨折受傷，雖然DaDa沒有受傷，但未能通過酒精呼氣測試，因醉駕被捕，她於本月10日被裁定罪成，被判停牌一年、罰款3,000元及社會服務令120小時。
千夫所指壓力爆煲
事發後，DaDa受千夫所指，飽受種種流言，令她壓力爆煲，坦言曾一度躲在家中「避世」，直至朋友鼓勵她做義工回饋社會，才令她走出陰霾。她說：「啱啱出事時，我成日自己匿埋喺屋企，朋友叫我不如出嚟做義工，做番啲正能量嘅嘢，所以由出事至依家，我都已經參加咗好多義工活動。」看來她決心靠做義工積極洗底！
DaDa果然言出必行，隨好友帶領，曾為傷殘人士擔任籃球導師，又到小學與學生交流。日前她到惜食堂做義工，為一班老人家派發飯菜。現場所見，一身樸素打扮的她，擔任傳菜工作絕無偷懶，做得有板有眼，她說：「義工都有好多單位，有盛飯、傳菜同廚師。其實我最想做廚師，因為我煮嘢都叻，不過名額有限，所以都係由簡單工作做起。我見到啲老人家食得好開心，都覺得好欣慰，我以後都唔會浪費食物。」她又指此次做義工與社會服務令時數無關，透露其社會服務令將於短期內開始。
男友一路鬧一路撐
另外，DaDa又大讚機構有愛心，熱心介紹機構運作：「原來佢哋係收集一啲街市賣剩嘅菜同肉，然後攞番嚟煮，唔浪費食物，又可以畀到老人家溫飽。」看來她並非「齋做」，而是有了解背後運作，認真抵讚！DaDa又表示如果今後時間許可，會繼續做善事幫人，指自己親身經歷過一些事後，更加明白施比受更有福！
問到她曾與健身教練男友趙勁皓（King）吵架？她說：「King有鬧我，但我自己真係做錯咗，佢一邊鬧我一邊撐我，其實佢畀咗好大支持我。因為呢件事太嚴重，基本上身邊所有人都鬧過我。」
文：專案組
盧頌之一身樸實打扮做義工，為老人家派飯菜。
盧頌之不介意由簡單工作做起，最緊要幫到人！
派完飲品又抹枱，盧頌之做得有板有眼。
盧頌之雙手攞滿飲品，非常落力！
|
鍾意就快D Share啦！
|
|
|
