掃呢頁CODE去手機

2015年11月25日 星期三

如果做港版《康熙來了》邊對主持冇得輸? [FACE - 444] MF,

全知言 如果做港版《康熙來了》邊對主持冇得輸? 台灣長壽綜藝節目《康熙來了》,隨住主持蔡康永話唔撈,陪咗大家 12年,睇到大家又喊又笑嘅節目,本週最後一集錄影,下月播埋即曲終人散。咁收得,如果有港版《康熙來了》邊個做主持好呢?問吓班明星同街坊想睇邊個咪知囉! ...


全知言

如果做港版《康熙來了》邊對主持冇得輸?

台灣長壽綜藝節目《康熙來了》,隨住主持蔡康永話唔撈,陪咗大家 12年,睇到大家又喊又笑嘅節目,本週最後一集錄影,下月播埋即曲終人散。

咁收得,如果有港版《康熙來了》邊個做主持好呢?問吓班明星同街坊想睇邊個咪知囉!

On仔 釗鋒( C AllStar):子華 Do姐好襯

網上圖片

黃子華同埋 Do Do。《康熙來了》呢個節目,兩個主持都係上把,牙尖嘴利,所以我覺得佢兩個好襯。佢哋兩個搵得嗰啲嘉賓,都唔敢唔答佢哋嘅問題,因為《康熙來了》一向問嘅問題好獨到,問得好深入,以佢哋嘅地位,口才係可以問到好多秘密出嚟!

熊黛林:志偉菀之好搞笑

我會揀志偉哥和王菀之!志偉哥好幽默,同埋好有風度,都有睇過佢主持嘅節目係好好玩,所以男仔方面當然係佢我之前睇王菀之嘅喜劇,佢都好有搞笑嘅天份,同埋幾舒服幾自然,所以王菀之都唔錯呀!

《蘋果日報》圖片

網上圖片

周秀娜: DoDo子華轉數快

黃子華和 DoDo姐要轉數好快,同埋好睇嘅地方係佢兩個好有默契,講嘢個方式同埋位置一定係一唱一和,或者係一高一底,加上佢哋又拍過劇集,我深信佢哋一定好有默契,同埋好鍾意睇佢哋兩個一齊個感覺。

任賢齊:志雲 Baby有新意

我會推薦陳志雲先生。因為佢係一個好有內涵、學識又豐富,同蔡康永嘅 level、內涵差唔多。至於小 S,要搵一個性感、可以玩得、可以講笑,我覺得 Angelababy(楊穎)都幾好,因為佢人又靚,身材又好,心地又好,人緣又好,好多真人騷佢可以放得開去玩,無靚女包袱!

《蘋果日報》圖片

網上圖片

林德信:家棟 Do姐有諗頭

有諗過林家棟都幾好,佢係一個對電視,對音樂都係好有經驗,同埋好有自己諗法嘅人,同埋佢嘅轉數好快,同埋佢講嘢好叻,有時講嘢都幾準!女仔 Do姐佢都係一個好好嘅提議。

街坊:森美小儀受歡迎

網上圖片

子華 Do姐係大熱人選,咁唔知班 90後學生又有乜好提議呢?

家興

我覺得森美、小儀知名度夠高,同埋會比較受歡迎,好笑啦,個腦又轉得快。

麵包

我都係諗電台嗰啲朋友囉, Bob啦,蝦頭都得!我覺得佢哋轉數快啦,同埋《康熙來了》呢個節目都係 for娛樂多,所以我覺得佢哋會適合啲。

Manda

田蕊妮幾好呀!拍佢老公都幾好笑嘅,我覺得田蕊妮講嘢幾好笑,拍番佢老公囉,又啱 key,有默契吖嘛!

Daniel

可能會係杜汶澤同吳君如囉。佢哋喺電影,或者上電視閒聊都 OK㗎!

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine

鍾意就快D Share啦!