掃呢頁CODE去手機

2015年11月10日 星期二

【有相】F4仔仔周渝民宣佈:我們結婚了 周渝民,





其他影片:>>






台灣F4成員周渝民(仔仔),傍晚時份於微博宣佈婚訊,並上載兩張與女友喻虹淵合照,兩人甜蜜晒戒指,仔仔雀躍表示:「周太太真美!是的,我們結婚了。感謝各位朋友的祝福。」未幾喻虹淵亦於fb貼兩人晒戒指合照,寫道:「謝謝你在我身邊。謝謝大家。」仔仔嘅經理人承認兩人婚訊。

34歲嘅仔仔,曾與許茹芸、李冰冰等傳緋聞,曾承認女友身份嘅,只有徐熙媛(大S)同許瑋倫。2013年仔仔奪得金鐘影帝時,當眾承認喻虹淵女友身份。

台灣女星喻虹淵細過仔仔6年,兩人因為拍《痞子英雄》相識,拍拖4年。仔仔2013年得金鐘影帝時,已公開稱呼女友為「我的另一半」,而喻虹淵亦為仔仔洗盡鉛華、甘做其背後女人,自拍罷《愛情女僕》後,已經兩年冇拍戲,似乎早有準備隨時息影做人妻,今年一月更傳婚訊,仔仔經理人當時就話:「仔仔以工作為重,有好消息會跟大家說。」

今年5月,台灣《蘋果》拍得仔仔揸住佢架傳說中送俾喻虹淵嘅寶藍色BMW,送女友去睇中醫,調理身體助孕。其實仔仔恨做老竇恨到出面0架喇,之前已明確表示「想結婚、生小孩」,喻虹淵亦完全配合,放棄自己事業,足見愛得幾深。

(微博圖片) (周渝民微博截圖) (微博圖片)
喻虹淵FB 喻虹淵亦是台灣藝人,為咗同仔仔一齊,甘願放棄自己演藝事業,近兩年來一直做其背後女人,全面息影。
鍾意就快D Share啦!