| 林德信婆媽黐身又脾氣大，松岡忍咗咁耐終於都頂唔順，最終三年情玩完分手收場。 | next 1/1 pre |
 | |
| 冇咗松岡，林德信個樣殘到爆，一個人企喺條街到發晒呆。 | next 1/1 pre |
 | |
| 林德信一支公出街，突然「柱男」上身挨住電燈柱，發現記者時即強顏歡笑。 | next 1/1 pre |
 | |
| 松岡忍咗三年，最終都係忍唔到，同林德信吵大鑊分手收場。 | next 1/1 pre |
 | |
| 三年情玩完。 | next 1/1 pre |
 | |
| 2012年林德信同松岡一齊去睇Big Bang演唱會。 | next 1/1 pre |
 | |
| 2013年被《好報》拍得二人前後腳到男方寓所度春宵。 | next 1/1 pre |
 | |
| 今年三月林德信帶松岡一齊出席媽咪吳正元嘅生日會。 | next 1/1 pre |
 | |
| 原本二人諗住二、三年後結婚，不過最終都係散咗。 | next 1/1 pre |
 | |
| 林子祥（右）曾爆松岡多次出席林家聚會。 | next 1/1 pre |
 | |
| 林德信早前用激將法約長髮女夜蒲。 | next 1/1 pre |
 | |
| 上月初二人喺錢國偉婚宴上聚頭。 | next 1/1 pre |
 | |
| 松岡引用活地阿倫的愛情活受罪論講述自己情況。 | next 1/1 pre |
 | |
| 仲引用電影金句講愛情本身好矛盾。 | next 1/1 pre |
 | |
| 為咗避開林德信，松岡近期喺日本多過香港。 | next 1/1 pre |
歌手林德信和日模女友松岡李那分手三個月！最新一期《好報》披露是男神林德信衰逼得太緊兼控制欲特強，松岡難頂對方日夜需索過度，同時衣食住行乜都被管制，惟有忍痛斬纜分手！為箍煲，林德信全方位出招，特意搬屋和松岡一街之隔玩人盯人Mark到實，令松岡急返日本抖氣！三年情玩完，無計可施的林德信愁爆呆遊中環，真係食「鹹魚白菜乜都冇味」！
殘爆遊街
日前林德信一支公現身中環，眉頭緊皺在商場門口踱步，期間又做「柱男」靠在電燈柱一臉愁容，發現記者時才本能地堆起微笑。數日後，林德信到中環教授瑜伽後，殘爆頽樣慢步到酒店門外的士站，沿途聽着歌的他木無表情，抵達的士站等車時，更陷入沉思中，期間更一度深呼吸擔天望地，直至見記者拍照時，在門口的保安提示下，他才驚覺記者在場，並微笑打招呼，不過明顯笑得非常牽強，沒精打彩。
拍拖似湊仔壓力大
2013年，林德信和松岡李那被《好報》踢爆共度春宵兼玩地下情後，一直都是密冚戀事死口唔認，雖然拍拖以來各有緋聞，但依然無損感情，並且互相融入家中見埋家長，就連林子祥都玩大踢爆，指松岡常常出席林家飯局，更指她胃口超好非常大食，林德信也曾到日本拜會松岡父親。不過，據知林德信和松岡已分手接近三個月，全因逼得太緊！
據知林德信是愛情至上的天生愛情狂，對松岡尤如「女友」一樣愛嗲愛詐嬌兼為貼身膏藥非常癡纏，正如老竇林子祥首歌，分分鐘需要你，當正松岡是陽光空氣！黐身的林德信常常向松岡詐型少時間陪他外，同時愛充分掌握女友的行蹤，就算衣食住行等乜都要知，更需要女友常在身邊照顧自己，包括今晚食乜餸都要松岡安排，久而久之，面對日與夜的苛索，令松岡感到莫大壓力，拍拖猶如湊仔無異。
追魂Call催收工
知情者說：「唔講都唔知Lam仔拍拖就好似成個女仔咁，要另一半全天候照顧，就連晚晚食飯食咩都要安排同陪食！松岡開親工就有好多電話打嚟問長問短，有次松岡開工，本來六點前可以拍完，但因為超時未搞掂，松岡就收好多次電話，見佢猛咁解釋又忟憎咁。事後先知原來有人詐型，狂催松岡收工，又話自己冇飯食，問點解陪唔到佢食飯，又話自己一個人點食！最後松岡收工後，要即刻去超市買餸兼飛的士返去。邊個催？你話呢？」
硬食男友火山爆發
林德信表面是又靚仔又Man的男神，查實性格婆媽優柔寡斷，而且脾氣甚大。知情者爆料指林德信間中會玩情緒，有時呆在家中玩自閉足不出戶：「Lam仔性格都幾細路仔，自我得嚟又冇乜安全感，成日覺得如果了解同着緊佢嘅話，好多嘢都唔使講出嚟，人哋一定會估到。佢情緒到時，人哋問多兩句，又或者咁啱講唔中佢嘅心意，佢就會突然間發好大脾氣，松岡成日都中招，冇晒佢符。」林德信曾公開自爆脾氣大，笑說：「我都有脾氣，好多人都頂唔順，媽咪都頂唔順。」
為少事吵大鑊
據知，松岡和林德信曾共賦同居，但後期松岡要求半同居生活，全因頂唔順對方的控制及癡纏，情願和另外一位模特兒合租單位，有個人空間可以抖抖氣。由於松岡堅持半同居生活，加上林德信的控制欲愈來愈大，有次只因松岡臨時要到外地工作，即觸動林德信的神經，認為女友不理自己而吵大鑊，知情者說：「係積積埋埋，只係一件小事就令大家有爭拗，松岡堅頂唔順，見Lam仔一次又一次咁發脾氣玩情緒，最後兩個話分手！」
網上狂呻又愛又恨
其實二人分手有迹可尋，松岡分手後不久，曾在網上洩密並引用荷里活名導活地阿倫的愛情活受罪的論調：「to love is suffer.」來表達矛盾的心情，意思是無論是否去愛，都一樣要痛苦受罪，之後又引用著名荷里活愛情電影《愛的故事》經典對白：「Love means not ever having to say that you are sorry.」指真正的愛情，是永遠不必說對不起，可見松岡對這份感情充滿矛盾！
據知分手後，松岡即到韓國及日本散心，但返港不久後，林德信的態度軟化，並開始施展全方位攻勢力圖箍煲，包括早前玩激將法特意約同一名長髮女伴到中環夜蒲兼潮聖見NBA波神米高佐敦外，平時只以「好朋友」來形容松岡的他，更罕有地說想成家立室兼想生B做爸爸，擺明出口術隔空冧松岡！有見松岡在銅鑼灣居住，為近水樓台，林德信索性都搬到銅鑼灣，跟松岡的住所只是一街之隔，人肉攻勢Mark到實！
連環出招求復合
其實松岡和林德信雖然拍拖兩年，但據知已有結婚的打算，原來恨結婚的竟是林德信，因想早日結婚令松岡封盤，知者情說：「本來松岡都覺得OK，大家都計劃兩、三年後結婚，但係Lam仔咁Control Freak，加上堅持唔肯公開認證松岡嘅女友身份，松岡覺得依家已經好似湊仔咁，將來係點真係可想而知！」
雖然林德信軟硬兼施出招力圖箍煲，而松岡都深受感動，但始終認為相處有問題，所以一直未肯答應復合，同時為了避過對方的連環攻勢，所以她見近日少工作即返日本散心抖氣，知情者說：「松岡呢幾個月返日本返得好密，上星期出騷後第二日即刻返咗日本，仲同公司講明短期內都唔會返嚟，除非有Job先至返！」
|
鍾意就快D Share啦！
|
|
|
