掃呢頁CODE去手機

2015年12月17日 星期四

關心妍慳番啖氣 [壹週刊 - 1345] __,關心妍,M1,

同楊長智結婚七年,關心妍依然黐身,行又好,等𨋢又好,都要繑實老公。同你吟一吟關心妍慳番啖氣上半年爆咗首《關家姐》,下半年再打多首《人生銀行》,關心妍雖然hit到歌,但公司NewayStar一直拖住冇幫佢出碟,反而開水喉俾欣宜、雨僑、Regen(張惠雅)同Crystal(張紋嘉),四個後生嘅出咗張《全女打》,搞到關家姐好唔alright,放晒聲氣出年滿約就閃。不受重視,早已嫁人上岸嘅關心妍慳番啖氣, ...


同楊長智結婚七年,關心妍依然黐身,行又好,等𨋢又好,都要繑實老公。

同你吟一吟

關心妍慳番啖氣

上半年爆咗首《關家姐》,下半年再打多首《人生銀行》,關心妍雖然 hit到歌,但公司 Neway Star一直拖住冇幫佢出碟,反而開水喉俾欣宜、雨僑、 Regen(張惠雅)同 Crystal(張紋嘉),四個後生嘅出咗張《全女打》,搞到關家姐好唔 alright,放晒聲氣出年滿約就閃。

不受重視,早已嫁人上岸嘅關心妍慳番啖氣,得閒同老公拍拖去中環撐枱腳,行過文具店見到聖誕裝飾,兩公婆停低入去睇吓有冇嘢啱,最終買咗盒紙炮走人。

兩公婆喺文具店睇聖誕飾物同年曆,最終關心妍買咗盒紙炮走。

公司掟錢俾欣宜、雨僑、 Crystal同 Regen一齊出碟,反而有 hit歌嘅關家姐就冇聲冇氣,搞到當事人㷫爆!

千掃《星戰》公仔

另一日,《壹》仔亦喺銅鑼灣時代廣場 city'super嘅 Log-on見到丁太楊千嬅,同助手「捕」聖誕品專區係咁執,主力買啲啱小朋友嘅嘢,貼紙、顏色筆之類,仲有唔少《星戰》公仔。

聖誕節,朋友、學校、家長 party排住嚟,千嬅幫小丁生 Torres上定貨,啱數!

貼紙同顏色筆,都啱小朋友用嚟交換禮物!

本身係《星戰》迷嘅千嬅,同助手喺專區掃咗唔少《星戰》產品。

撰文:八珍


鍾意就快D Share啦!