《萬千星輝頒獎典禮2015》今晚假電視城舉行，胡定欣憑《鬼同你OT》首次膺視后。其實都有先兆0架喇，一來大台講明出年力捧，加上《鬼同你OT》另一女主角田蕊妮剛拎咗最受歡迎電視女角色，換言之定欣得視后已呼之欲出，不過宣佈佢拎視后時，定欣仍一臉錯愕，可是做不出天然呆效果，似乎演技仍需再改善。
胡定欣入行16年，99年參加無綫電視自辦的《全球華人新秀歌唱大賽》，晉身最後四強，後加入無綫藝訓，未畢業已獲監製潘嘉德欽點拍《衝上雲霄》，飾演馬德鐘細妹。
多年來定欣作品無數，而且越見進步，08年憑摘「飛躍進步女藝員」；2012年憑《拳王》摘女配角，今年更首度摘下視后。
不過定欣出道多年，與女主角似是欠了點緣。即使之前憑《名門暗戰》爭視后，但邵美琪擺位比她更重，故是否屬「女一」備受爭議；而《鬼同你OT》中，定欣同田蕊妮喺劇中神同步令人拍爛手掌，但以戲份而言，田蕊妮亦似是更似女主角。
視后胡定欣獲獎時熱淚盈眶，又與其他女藝員攬晒，佢喊晒口話：「我冇諗過，喺我心目中阿姐（汪明荃）及阿田（田蕊蕊）永遠係最佳女主角，多謝公司﹑每一位支持我的人，珍姐（曾勵珍）樂小姐（樂易玲）多謝你....呢度劇我知道有好多進步空間，下年開同一班底，會出盡力做好佢，多謝我入行多年，每套劇提點我﹑幫我嘅每個拍檔，尤其係祥仔（黎耀祥）多謝你，多謝Fans，及多謝我班姊妹，《鬼同你OT》好多鼓勵，更加更加努力﹗」
來源 source: http://hk.apple.nextmedia.com
|
鍾意就快D Share啦！
|
|
|
