（欲瘋狂重溫第一集？即上「蘋果ATM」fb專頁：http://fb.com/appledailyatm）
上集講到，做自僱司機的Tony，月入超過3萬元，首期儲近100萬元，可惜無稅單。中原按揭經紀董事總經理王美鳳建議，「以佢嘅情況，可以考慮450萬元以下嘅單位，樓價450萬元係做唔到九成按揭，最高八成，佢入息同首期方面，買入一個450萬樓下嘅樓比較適合，但要留意，有固定收入申請人先至可以得到按揭審批，如果屬於自僱人士，到時銀行未必可以批出，如果擔心，可以喺銀行做預批，會穩陣啲。」
5月至6月期間，二手市場極度缺盤，好似傳統上車屋苑沙田第一城，伙數達10,643伙，在6月份，一度低見5個「鎖匙盤」，九龍灣淘大花園鎖匙盤亦僅4至5個。他心儀的將軍澳更加缺乏適合他的放盤，中原地產柯勇表示：「唔好話400幾萬，喺500萬元以下嘅樓盤都好少，私樓直頭係無。」
盤少價硬，Tony想搵個啱價放盤睇下都無，搵完又搵，等了又等，換來一個又一個無啱盤的回應。直到7月至8月期間，有了轉機，股災震盪，鎖匙盤陸續浮現，終於有返啲鎖匙盤俾Tony去睇下，是鄰近港鐵寶琳站的將軍澳居屋浩明苑，屬單幢樓，一個實用483方呎單位，叫價488萬元。
不過Tony都是抱住睇下的心態，「佢價錢唔平488萬，期望係450萬元樓下嘅樓，而且希望係啲大型少少嘅屋苑，始終單幢樓，同埋超budget，所以都係睇下先。」佢覺得唔需要急，「買樓呢啲嘢可以從詳計議，睇多幾間都無壞。」
睇完單位，經紀一行開，他彈三彈四，「一定要執過」、「廁所唔得，太細、太逼」、「價錢貴少少，始終唔係私人樓」，問他會否拍版買呢個單位？他答，暫時唔會。
第一次睇樓後，他說：「我個人係特別啲，有陣時好想要一樣嘢，就好心急去做，唔理三七廿一，就要做到嫁但係有時，攝高枕頭，瞓多幾晚，諗下諗下都唔使咁急，慢慢來，總有機會買到。」
口說不，身體卻很誠實，隔幾日，代理推銷他將軍澳居屋康盛花園一個兩房單位，補地價叫價390萬元，當時來講，勁平！事關同區四球以下放盤絕無僅有，但係……
真人SHOW當然仲未完，欲知之後點發展，《80後上車真人SHOW》第三集同埋第四集終極篇，將會準時分別於明日下午1時及6時正，於「蘋果財經即時新聞」同埋蘋果財經FB Fans Page「蘋果ATM」同步播放！
記者︰陳家雄 吳美茸
攝影︰王俊龍 楊柏賢 何柏佳 鍾偉德 黃耀興 朱家駿
剪片：鳥推
掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|
