掃呢頁CODE去手機

2015年12月1日 星期二

Hot Talk:中國足協爆貪賄醜聞 副主席收黑金左右點兵 __,

魏吉祥(左)醜聞事件可能令比連暫時唔使炒魷。(互聯網圖片)next1/1pre國足教練比連結束喺日本嘅假期後返到北京,原本有可能面臨解僱嘅命運,不過國內傳媒中國新聞網報道,中國足協工作人員付玉培,通過中央紀委舉報中國足協副主席魏吉祥,曾要求得到10萬元人民幣「好處費」,同埋去夜總會消遣,雖然舉報內容仍有待相關部分查核,但就導致中國足協大亂,可能會推遲比連去留嘅決定。消息話,魏吉祥喺今年9月被實名舉 ...


魏吉祥(左)醜聞事件可能令比連暫時唔使炒魷。(互聯網圖片)

next 1/1 pre

國足教練比連結束喺日本嘅假期後返到北京,原本有可能面臨解僱嘅命運,不過國內傳媒中國新聞網報道,中國足協工作人員付玉培,通過中央紀委舉報中國足協副主席魏吉祥,曾要求得到10萬元人民幣「好處費」,同埋去夜總會消遣,雖然舉報內容仍有待相關部分查核,但就導致中國足協大亂,可能會推遲比連去留嘅決定。

消息話,魏吉祥喺今年9月被實名舉報,作為舉報人之一嘅付玉培,更喺網上再次實名舉報佢,內容包括魏吉祥豪飲豪食拎補貼,打擊同報復意見不合嘅同事,同埋收受原青島足管中心主任王斌嘅10萬元人民幣「好處費」。另外,前年魏吉祥出席深圳7人業餘足球賽閉幕式後,竟然要求大會畀錢去下榻酒店嘅夜總會飲酒、唱歌同跳舞!

報道又指出,有足協職員不滿魏吉祥官威大,架空國足領隊,甚至懷疑有表現出色嘅中超球員,因為得罪佢而唔能夠入選國足名單,另外,部分唔能夠或者唔願意提供「好處費」嘅球員,可能因此失去入選嘅機會,成為國足積弱嘅原因之一。雖然魏吉祥強調自己清白,不過事件恐怕有排查,意味比連可能暫時避過一劫。

鍾意就快D Share啦!