| 首日投票戰況已經相當激烈。 | next 1/1 pre |
 | |
| 陳展鵬勁多粉絲支持，而佢嘅Like數，可以話係每個鐘頭，都有一定數量嘅增長。 | next 1/1 pre |
 | |
| 張繼聰雖然票數暫時得第二，但係佢嘅瀏覽數卻係眾人之冠，潛力不容忽視。 | next 1/1 pre |
 | |
| 實力不容置疑嘅黃秋生，暫時排第三。 | next 1/1 pre |
 | |
| 謝安琪喺FB幫老公拉票，好冧咯。 | next 1/1 pre |
 | |
| 有圖有真相。 | next 1/1 pre |
 | |
| 鍾嘉欣以爆冷姿態，攞咗首日「民選視后」第一名。 | next 1/1 pre |
 | |
| 大熱胡定欣，暫時都係得第二咋。 | next 1/1 pre |
 | |
| 陳煒鍊贏田蕊妮攞第三，好厲害呀！ | next 1/1 pre |
 | |
| 阿田票數告急，各位田粉要落力啲投票喇。 | next 1/1 pre |
 | |
| 羅仲謙同蔡思貝齊齊包尾，陰公豬。 | next 1/1 pre |
緊貼娛樂圈消息嘅《東網巨星》App，昨日喺《東網巨星》facebook推出《東網民選TV King & Queen》投票活動，截至啱啱黃昏六點，首日嘅票王票后順利誕生。
陳展鵬贏到開巷
視帝方面嘅競爭可謂相當激烈同踴躍，已經連攞新加坡同馬國兩大視帝嘅陳展鵬，繼續稟承佢嘅優勢，憑《張保仔》以907票嘅高票數，成為首日「民選TV King」第一位，而且佢嘅粉絲，仲喺「東網民選TV King」專頁度洗板式留言，大力支持陳展鵬再封帝，真係銳不可擋。
謝安琪幫手拉票
緊接其後嘅，就係《收規華》嘅張繼聰，佢以413票高踞第二位。同樣獲粉絲洗板式支持嘅佢，對呢個投票都好着緊，除咗逐一答謝留言粉絲嘅支持，連佢老婆謝安琪都加入拉票行動，喺FB留言：「請click入去投票支持張繼Lu。其實咁公開講是有害羞的。」叫老公張繼Lu之餘，又話自己害羞，完全係愛嘅表現，呢個口術真係Sweet到爆。至於第三位，就係以超班姿態加入競選行列嘅影帝級黃秋生，佢憑《梟雄》以173票鍊贏同劇嘅黎耀祥、湯鎮業同馬國明。至於暫時包尾嘅，就係《衝線》嘅羅仲謙，佢暫時只得26票，希望佢嘅粉絲再積極啲投票，解救謙仔喺水深火熱之中。
鍾嘉欣爆冷跑出
視后方面，首日結果可以話係有啲跌眼鏡，暫時由賽前唔算大熱嘅鍾嘉欣憑《華麗轉身》奪得307票，揮低視后大熱三大人選汪明荃、田蕊妮同胡定欣，成為首日「民選視后」。至於第二位，就由大熱《鬼同你OT》嘅胡定欣、以277票奪得。而同劇嘅另一大熱田蕊妮，暫時以185票屈居第四，反而同樣之前唔算大熱嘅陳煒，就憑《梟雄》以245票進佔第三，都係嗰句，唔通秋生對佢嘅欣賞，真係幫助到陳煒拉票？
謙仔思貝齊齊包尾
另巧合嘅係，喺視帝方面暫獲第尾嘅謙仔，佢《衝線》嘅拍檔蔡思貝，同樣喺視后度包尾，暫時只有16個Like。
另一個奇怪嘅現象，係張繼聰雖然Like數唔夠陳展鵬嚟，但係瀏覽數就成為首日之冠，總共有成9,631個瀏覽，唔單止撼贏一眾視帝，仲要連視后都唔夠佢fight！真係可喜可賀。既然大家咁鍾意欣賞張繼聰嘅演技，相信都會行多步畀埋Like佢，睇嚟佢同陳展鵬真係有排鬥喇。
投票方法
為咗大家投票投得更得心應手，呢個時候再講一次投票方法，只需去「東網民選TV King」同「東網民選TV Queen」專頁，喺心水視帝視后Profile度畀Like，就已經投出神聖一票。呢個投票最正係，完全不設上限，只要你覺得好戲嘅，都可以畀Like。總結一句，首日嘅投票非常踴躍，單係Like數，已經衝破4千，瀏覽數更加係高達逾3萬。
投票連結：
「東網民選TV King」專頁 http://goo.gl/LKnaWu
「東網民選TV Queen」專頁 http://goo.gl/HXMu7J
|
鍾意就快D Share啦！
|
|
|
