埋嚟睇埋嚟睇，有乜嘢咁好睇？睇天王睡覺？？？邊個天王？舞台王者？
今日有報道話，自從獲城城確認為「新城嫂」嘅上海模特兒Moka，戀情一公開，即俾網民瘋狂起底，所以Moka亦好快手咁，拿拿聲刪咗成千條微博，就連微信朋友圈嘅男性朋友，都俾佢unfriend咗好多。
城城同Moka今年初靠朋友介紹認識，7月開始交往；但一直都有傳，話自認花心嘅Moka早有固定男友，等到10月，有人終於「揀定」，向男友提出分手，正式升呢。
本來只係朋友圈先至識、或者知道佢嘅秘密，依家就係因為佢unfriend晒啲朋友，有啲朋友唔開心被unfriend，咁就有可能令網上忽然更多料爆……可能係啦。最弊仲係有好多cap圖王，好似呢張……有人爆料話，Moka曾於微信朋友圈貼呢張圖，問大家:「需要直播下天王睡麼？5分鐘後刪」。
呢張圖係幾時貼就唔知，「天王」係咪指嗰個天王呢？自己估啦。不過咁，奉勸城城瞓覺嗰陣，都係醒瞓啲好……
|
鍾意就快D Share啦！
|
|
|
