【本報訊】長和主席李嘉誠昨日出席集團的周年晚宴，當提及到本港的經濟前景時罕有唱淡，他認為今年各方面表現都面對挑戰，做生意要更加努力。
「樓價升跌10%好平常」
李嘉誠昨指出，旅遊、零售、出入口及酒店生意均告下跌，呼籲各界「今年做生意好多方面都要努力啲，唔係都好難做」。他於晚宴上致辭時則提到，「今年會面對唔同程度艱難及挑戰，要時刻留意環球經濟變化」，但認為「只要懷有信心同希望，我對前景仍然充滿信心」。
對於巿場指本港樓巿會跌半成，李嘉誠認為「樓價升跌10%係好平常嘅事」，他續指，要從買樓人士數目，與起樓數目中取平衡，經濟差及需求少，樓價自然會下調，反之亦然。另外，內地股巿4日內兩度觸發熔斷機制，日前更在開巿15分鐘後跌停巿，對此李嘉誠認為，股市有高有低，全世界都一樣。
被問到銅鑼灣書店股東李波及多名職員近日接連失蹤，會否擔心一國兩制被削弱，李聞言即搖頭說：「政治嘢唔講嘞」。
■記者江靖然
來源 source: http://hk.apple.nextmedia.com
|
鍾意就快D Share啦！
|
|
|
