| next 1/1 pre | |
 | |
| next 1/1 pre | |
 | |
| next 1/1 pre | |
 | |
| next 1/1 pre | |
 | |
| next 1/1 pre | |
 | |
| next 1/1 pre | |
 | |
| next 1/1 pre | |
 | |
| next 1/1 pre | |
環球金融市場今年開局大動盪，好多貨幣都跌到「一仆一碌」，但同時間亦都有啲成為逆市奇葩。不過，講到底大家最關注嘅，始終都係新春或者復活節，應該幾時換錢啫！雖則話近排港匯稍為弱咗，但始終有聯繫匯率嘅蔭庇，攞住港元去旅行基本上依然係「皇帝」咁，去邊都好好使(美國除外)！不過，強還強，大家去旅行，又有乜理由唔睇住匯價，搵時機換錢咁笨架！想捕捉最佳時機，即刻睇睇啦。
順帶提一提，滙豐表明美元大牛市已經告終，未來將進入跌浪，如果你仲未計劃好今年去吓旅行，就真係要諗清楚平價去旅行機會冇幾何。
─ ─ ─ ─ ─ ─ ─ ─ ─ ─ ─ ─
●日圓【早換早享受 遲換貴幾舊】
日本係港人最鍾意去嘅國家，日圓匯價上年創下多年新低，遊日更划算。不過，今年就未必係咁講，皆因環球金融市場喺今年開局十分動盪，令資金流入日圓避險，推高咗日圓匯價，但現價仍是去年水平，每百日圓兌6.57港元左右；美元兌日圓為117.27。因金融市場風險上升，好多分析料日圓匯價短期會轉強，想大跌都難，愈早唱錢愈着數。
●名人點講：「日圓先生」榊原英資今日預測，日圓轉強比再貶值的機會率更大。
─ ─ ─ ─ ─ ─ ─ ─ ─ ─ ─ ─
●韓圜【經濟寒上寒 唱錢唔使趕】
講開日本，港人對南韓亦不陌生，隨時更抵玩。受經濟及去年「新沙士」影響，韓圜已跌至2010年以來最殘，由於出口奇差，市場預期匯價易跌難升，加上人民幣貶值，令韓圜向下誘因更大。現時每港元可兌155韓圜左右；美元兌韓圜約1,206，慢慢「唱錢」都唔遲。
●名人點講：南韓央行行長李柱烈昨日表示，央行必要時會實施財政刺激。(即意味匯價續弱)
─ ─ ─ ─ ─ ─ ─ ─ ─ ─ ─ ─
●人民幣【貶值有排落 千祈咪唱多】
人民幣近期「當紅」定「當黑」？睇你點睇啦，總之一片貶值之聲，淡友講到港元兌人民幣去到1兌1係理所當然。既然匯價短期難以睇好，不妨出發前才兌換也不遲，或穩陣啲逐步逐步溝淡，免得今日換錢，明日後悔，最後啱啱好，唔使唱多。現時每百港元約兌85元人民幣，為2010年底水平；美元兌人民幣約6.5849。
●名人點講：一句講晒，個個話貶值！
─ ─ ─ ─ ─ ─ ─ ─ ─ ─ ─ ─
●歐元【唔生又唔死 全年料悶寂】
儘管金融市場動盪，但歐元因央行印銀紙關係，匯價仍低企，市場依然預期兌美元會見1兌1，故難以大升，但因經濟未惡化，又唔會點大跌。若想遊歐，可在出發前才「唱」歐元，或穩陣啲逐步逐步「唱」亦可，總之唔使太驚「蝕底」。現時每歐元兌8.4港元左右，仍是2015年水平；歐元兌美元約1.0855。
●名人點講：歐央行昨日會議紀錄顯示，通脹有下跌風險，必要時再放水。(即意味匯價續弱)
─ ─ ─ ─ ─ ─ ─ ─ ─ ─ ─ ─
●英鎊【而家一定抵 年中未必低】
因歷史關係，港人或每逢大假也選擇到英國旅遊或探親，甚至升學。要注意的是，因市場憂慮英國「脫歐」，預期短期匯價不會有起色，但英倫銀行或在今年內加息，鎊匯於年中後勢有炒作。若想遊英，可考慮現水平「唱錢」，不要拖得太久。現時每英鎊兌11.17港元左右，為2010年水平；英鎊兌美元約1.4338。
●名人點講：英倫銀行昨日會議紀錄顯示，近期油價下跌令環球通脹短期受壓。(即意味匯價續弱)
─ ─ ─ ─ ─ ─ ─ ─ ─ ─ ─ ─
●加元【官方開到聲 匯價難大升】
除英國外，加拿大亦是早年港人移民及升學熱門地，故加拿大亦是外遊熱門地。不過，受油價困擾，加元匯價一低再低，已跌至2003年水平，由於經濟欠佳，連央行行長也表示，現水平匯價合適，意味匯價難大升，故港人若想兌換加元，可以「歎慢板」。現時每加元兌5.36港元左右；美元兌加元約1.4344。
●名人點講：加拿大央行行長在1月7日表示，加元跌至2003年好平常。
─ ─ ─ ─ ─ ─ ─ ─ ─ ─ ─ ─
●澳元【商品冇起色 匯價冇得益】
除英國、加拿大外，澳洲亦是港人出遊熱門地。受大宗商品冧價影響，澳元已跌至2009年以來最殘，市場預期在油價未見起色下，短期匯價易跌難升，加上澳洲政府亦不想看到澳元太強，港人若想兌換澳元亦可以慢慢換。現時每澳元兌5.36港元左右；澳元兌美元約0.68881。
●名人點講：據經濟學家預估顯示，澳央行或在5月減息。(即意味匯價續弱)
─ ─ ─ ─ ─ ─ ─ ─ ─ ─ ─ ─
「東網Money18」fb專頁：有討論、有分析，齊來FUN享，贏盡●你Like
http://www.facebook.com/money18
|
鍾意就快D Share啦！
|
|
|
