熱爆娛樂: 關淑怡最後一騷　袋一球帶仔返美國 [壹週刊

2016年2月4日星期四

關淑怡最後一騷　袋一球帶仔返美國 [壹週刊 - 1352] __,關淑怡,M1,

14歲關浚賢

眨吓眼，關淑怡個仔已經高過阿媽成個頭，成個阿媽餅印的關浚賢，未成年已經有點 man味。

探熱針

關淑怡最後一騷　袋一球帶仔返美國

關淑怡 14年在 ig自揭兒子關浚賢經手人，是藏傳佛教中身份最高的寧波車活佛，並暗示多年來對方跟兩母子零聯絡，撫養重擔一直落在她一人身上。

有指為要今年已十四歲的兒子到美國升學，過去一年多，關淑怡不停登台接騷儲學費，去年底做完 crossover騷，今年四月再開個唱，為帶仔返美，開行 turbo！

高大似韓仔

為求兒子關浚賢生活不受騷擾，關淑怡多年來鮮有讓他出席公開活動，長期住愉景灣「隱世」，又安排入讀國際學校，務求兒子保持低調；囝囝對上一次被傳媒拍到面貌，已是一二年在愉景灣回家途中。

上週六（一月三十日），記者發現關淑怡兩母子由 ifc急步去四季酒店，今年十四歲、開始步入青少年期的關浚賢，轉眼間已長大，約有五呎八吋高，加上跟媽咪一樣 cool爆，潮著打扮有幾分韓仔味道。

當日關淑怡邊行邊吩咐阿仔著番件外套，嫌阿媽囉唆嘅關浚賢，駁佢兩句嘴。

與兒子同行，關淑怡亦不似從前步步為營。二人行到四季 coffee shop，會合幫手搞演唱會的前經理人王敏慧（ Marianne）及男友人 high tea；媽咪忙住傾公事，關浚賢悶爆，惟有兩頭擰搵嘢望和玩手機打發時間。關淑怡見兒子無聊，立即蓮子蓉咁面口陪傾偈，氹番！

飲完茶，仲有下場的關淑怡先陪兒子等的士，上車後又唔放心行返轉頭，打開的士車門吩咐兒子：「扣安全帶呀！」十級緊張。千叮萬囑後，才上了 Marianne的車一同離開。

阿媽 tea局唔啱玩，所以步入 teenage的關浚賢悶到發慌，唯有玩手機打發時間。關淑怡則忙於同前經理人 Marianne傾公事。

飲完茶，送仔上的士的關淑怡忽然行番轉頭，開阿仔車門大聲叮囑：「扣安全帶呀！」阿仔長大，阿媽先要學放手。

識彈琴作曲

身兼父職，關淑怡事事以兒子為重。今年四月的個唱，有指也是為了寶貝仔撲學費而開。

據了解，關浚賢除了讀書成績好，還遺傳了媽咪的音樂天分，十二、三歲已懂得彈琴作曲，為了栽培他，關淑怡過去一年密密接騷，儲定學費及生活費，準備今年送兒子到美國讀書。

大條道理搵得就搵！去年十二月跟二胡大師王憓孖住開騷的關淑怡，四月紅館再唱，四十九歲拋胸影海報谷宣傳，擺明最後一搏。

跟埋去美國

「 Shirley諗住唱完香港再走多 round美加、馬來西亞，巡迴賺一筆，儲多啲彈藥俾個仔去美國讀書。 Shirley媽咪上年過咗身，再唔使牽掛老人家，所以佢會陪埋個仔去嗰邊住，一走可能幾年都唔返嚟。由中學到上大學，學費同兩母子生活費條數好襟計，加上大家都睇住佢個仔大，所以一吹雞，好多主辦單位都撐，大家都想幫 Shirley搵筆錢，等佢兩母子可以安心喺美國生活。」知情者說。

據了解，暫定開兩場的關淑怡已穩袋一球（一百萬）歌酬，而今次參與主辦的更高達十個單位，大家眾志成城，為單身關淑怡撲水。