今年 15歲嘅 Ashley已經好標青，靚樣完全遺傳媽咪龔慈恩優良基因，睇落似兩姊妹多過似兩母女。
真面目
超新聲 鋼琴聲樂中提琴乜都叻 15歲龔慈恩美少女超恨做歌星
新一批星二代排隊入行接棒！好似龔慈恩的 15歲女 Ashley林愷鈴，一副又 pure又 true嘅靚樣唔只有「翻版吳佩慈」之稱，喺音樂方面，鋼琴、聲樂同中提琴仲要瓣瓣精，名副其實樣貌實力兼備㗎！
平時鍾意同朋友 jam歌晒歌喉嘅 Ashley，最近就夾埋同學仔合作搞年宵攤位，將有意思嘅歌詞印落貼紙度，仲即場清唱吸客，堅係聽出耳油！唱歌有板有眼， Ashley出道做歌手都係遲早嘅事喎！
15歲 Ashley現時就讀聖保羅中學，媽咪龔慈恩自小悉心栽培，幼稚園開始學習朗誦，小五已經為學校贏得「第六十二屆香港學校朗誦比賽」優異獎。擁有 8級聲樂嘅佢，閒時仲好鐘意同朋友 jam歌放上網開心「些牙」，靚聲贏到好多人激讚！
清唱晒歌喉
趁假期擺年宵攤位， Ashley解釋同所讀科目有關，「想將上年 Econ所學嘅嘢實踐，唔係一味死背！跳出受保護嘅環境，喺 real world實踐出嚟！」云云貨品中， Ashley偏偏選擇售賣印有歌詞貼紙，她說：「大家都好鍾意聽歌、睇小說，將歌詞貼喺透明貼紙度，可以貼喺 product，令到佢特別啲！啲歌詞都好有意思！」
至於平時同朋友 jam慣歌嘅 Ashley，仲即場唱咗〈差一點我們會飛〉落力吸客，「自己其實好鍾意呢首歌，好感受到中學嗰種熱血，比較純真嘅友情！」
翻唱歌放上網
音樂方面瓣瓣精，不過龔慈恩仍覺 Ashley有進步空間，「佢可能要學啲 arrangement嘅嘢，或者再深入啲寫歌、編曲嗰類。」
問到做歌手意願， Ashley坦言仍未有決定，「唱歌係我一個課餘興趣，鍾意同職業係唔同嘅事。不過我哋 a cappella group啱啱錄咗首好好聽嘅歌〈 Safe And Sound〉，係一個翻唱版本，用咗比較民歌形式去演繹。」自拍翻唱歌放上網，怕唔怕「網絡 23條」通過咗冇得唱先？「作為一個小朋友，對於呢啲政治立場冇好大表態，一個法例成立一定有佢嘅原因，但都有佢嘅不便，都要睇佢實施咗出嚟效果好唔好！」趁未通過唱盡佢
琴棋書畫乜都掂
Ashley有「翻版吳佩慈」之稱，樣貌實力兼備，周身刀隨時都可以入行
採訪、撰文：娛樂組
攝影：鄭明川
|
鍾意就快D Share啦！
|
|
|
