雖然等嫁富二代 Jaydan，但 Cammi仍然非常敬業，訪問當日只得 10度兼落雨，露膊晒腿？ ok喎！
封面
自稱月入 10萬 住男友 3千呎獨立屋 20歲 Cammi翻炒李蘊路 等嫁廣州富二代
嫁個有錢人係好多少女嘅夢想， 24歲李蘊去年就成功嫁給內地金融才俊羅冠章，懷孕 5個月的李蘊更於上月與老公在海南島補擺喜酒，羨慕死好友宇宙 G.E.M.和超蓮。
10年出道做𡃁模的謝芷蕙（ Cammi）同樣好命， 11年被爆與陳冠希拍拖半年令全香港人識佢， 13年變靚後在內地火速撻着富二代 Jayden，開鋪做老闆月入 10萬，閒時收過十萬手袋，豪遊韓國、日本、美國等地，與男友同居於廣州近 3千呎獨立屋，二人更已有結婚計劃，但就唔會學李蘊奉子成婚囉！
20歲的謝芷蕙（ Cammi）， 10年以𡃁模身份出道，更出過寫真集，不過銷量一般，至 11年爆出與陳冠希拍過拖，令當時仍讀中學的 Cammi忽然紅咗。
「當我半個女咁照顧！」
之後 Cammi多在國內登台賺人仔，唱酒吧騷和淘寶模特兒統統做齊，期間識到現時男友、由美國回流並長居於廣州的內地有錢仔 23歲 Jayden，二人至今已拍拖 2年半。據知 Jayden家開製衣廠， Jayden家姐和 Jayden畢業後都打理家族生意。已有多年網上賣衫經驗的 Cammi，多得男友家人意見和幫助下，去年成功於廣州開設第一間實體店。
現時每月花一半時間留在廣州睇鋪的 Cammi，週一（ 1日）接受《 FACE》訪問，表示已入住男友與其家人居住的 3千呎豪宅，「男朋友嘅爹哋、媽咪都好好人，佢哋當我係半個女咁照顧。之前都有同男朋友一齊去咗美國 New York同埋 Kentucky旅行，好開心，同佢家姐相處得好好！」只得 20歲的 Cammi已與男友有共識幾時結婚。「結婚唔會係呢一年，結婚計劃大概知道，但𠵱家大家太年輕，大家都是 22、 23歲，我們都有少少共識啦，但𠵱家我哋都想事業為重先，等我哋兩個自己賺到錢先。」雖然二人已對結婚有共識，但絕唔會似李蘊有餡至擺酒結婚！「唔會吧！絕對唔會！我哋將來會係結咗婚先有小朋友嘅！」
𡃁模出路
係人都知𡃁模長遠冇出路、有得揀其實邊個肯做𡃁模，所以唔只 Cammi，當年同期𡃁模一個二個走唔切轉晒行。
採訪、撰文：娛樂組
攝影：攝影組
|
鍾意就快D Share啦！
|
|
|
