家姐有喜 陀 3個半月猴 B 下月停工養胎 關心妍飲奶奶花膠湯谷肥 [FACE - 455] __,關心妍,MF,

凸肚相暴光陀住3個半月猴B的關心妍，已經開始見肚。真面目家姐有喜　陀3個半月猴B　下月停工養胎　關心妍飲奶奶花膠湯谷肥09年與金融才俊楊長智結婚的關心妍，過了近7年二人世界終於有好消息，週三（3日）宣布陀住3個半月猴B。7月尾先到預產期，但始終係第一胎，全家都非常緊張。老爺奶奶同關媽媽輪流整補品，花膠湯燕窩唔貴唔飲，難怪話咁快肥了7磅！有老公養又有屋企人照顧，關家姐話下月就開始停工，安心養胎。咪仲 ...

凸肚相暴光

陀住 3個半月猴 B的關心妍，已經開始見肚。

真面目

家姐有喜　陀 3個半月猴 B　下月停工養胎　關心妍飲奶奶花膠湯谷肥

09年與金融才俊楊長智結婚的關心妍，過了近 7年二人世界終於有好消息，週三（ 3日）宣布陀住 3個半月猴 B。

7月尾先到預產期，但始終係第一胎，全家都非常緊張。老爺奶奶同關媽媽輪流整補品，花膠湯燕窩唔貴唔飲，難怪話咁快肥了 7磅！有老公養又有屋企人照顧，關家姐話下月就開始停工，安心養胎。咪仲好命過陀住巨肚都要出騷嘅陳茵媺？

有奶奶煲花膠湯，好幸福呀！

關心妍與老公結婚接近 7年，一直非常心急想為楊家添丁，周圍問人請教生仔秘方，更試過停工專心造人，寧願要 B唔要獎，「我最想要 BB，一年又一年，老公都開始詐型……」

進補肥 7磅

雖然現今大把高齡產婦，不過關心妍 36歲先陀第一胎，真係要小心照顧。關心妍爆老公知道終於做爸爸後開心到喊，得一粒仔的老爺奶奶更加緊張，不斷幫新抱進補。

陀住 3個半月猴 B的關心妍狂食補品養胎，現時已重了 7磅，「我好俾心機谷肥自己，𠵱家已經 107磅，重咗 7磅都算 ok。奶奶每星期要我飲花膠湯，又開始食燕窩，我都好乖有食！有時口淡淡想食糖同零食，身邊都好多『懷孕警察』唔俾我亂食嘢！」

同老公結婚近 7年，終於等到小生命來臨喇！（網上圖片）

Jade早前同老公到大坑睇樓，希望換大屋迎接 BB。《蘋果日報》圖片

關心妍爆老公知道自己有咗後喜極而泣，做爸爸真係好開心喎！

推登台騷

暫時未知猴 B性別，關家姐除了努力谷肥自己同個胎，身體唔算特別強壯的她更計劃下月停工，避免操勞，「過完年等我做埋隻新碟，應該四個半月左右會停工，因為個肚會愈來愈大，都要停幾個月休息！都推咗幾個登台騷，老公唔想我去太遠，佢好擔心！」

關心妍陀 B初期幾乎日日嘔，嘔足成個月冇胃口，當時接咗好多聖誕新年騷唔推得，又唔可以公開，惟有解釋患上腸胃炎。其實錢幾時都有得搵，梗係安胎大過天

有咗 BB嘅關家姐，可以食晒一碟炸雞，大肚婆寧舍好胃口！（網上圖片）

Jade話自己想食雞蛋仔，老公即刻周圍撲去買。

Jade早前為 ISIS的受害人錄歌，希望多啲人關注受害者。（網上圖片）

馬騮仔輪住嚟

關心妍宣布陀猴 B，其實今年仲有唔少女星造人成功，猴 B陸續有來呀！

Jessica C.

JC同安志杰的 B女將於 3月出世，現時在美國安胎，早前同老公影咗輯黑白大肚相留念。

陳茵媺

為陳豪生到第三胎的陳茵媺，預計 BB 4月尾出世，暫未知性別，但無論仔女都決定封肚喎！

黃伊汶

預產期為 3月尾 4月頭的黃伊汶，宣布陀男 B，老公陳國坤已公開講明要追女，唔俾封肚。

李心潔

40歲高齡李心潔早前在微博宣布，為老公彭順懷有孖胎，但未有公開 BB性別。（網上圖片）

採訪、撰文：娛樂組

來源 source: http://hk.face.nextmedia.com

鍾意就快D Share啦！

下一篇 》