「咖啡妹」傅嘉莉上年8月同大台簽咗合約，剛拍完賀歲劇《財神駕到》升呢做女一，同視帝級黎耀祥擔正，不過傅嘉莉上個月忽然傳佢同已婚法拉利代理莊天龍，當時女方稱二人只係朋友，只係飲醉酒先錫面(新聞連結：http://bit.ly/1nHWN8f)。但今日周刊爆料，稱傅嘉莉同莊天龍上星期二仍有見面，未知係唔係傅嘉莉近期負面新聞多，搞到佢有份演嘅《財神駕到》被大台抽起，本來呢套係監製李添勝嘅退休作，李添勝接受周刊訪問，佢亦覺得有啲無奈，寄寓作為公眾人物，係要檢點啲。而男主角祥仔指，套劇冇話賀年，自己亦冇理劇集幾時上，大台方面亦向周刊解釋因為祥仔4月有處境劇，仲有新劇《公公出宮》要播，唔想三套劇播，感覺會撞演員，不過就未知《財神駕到》會安排喺幾時播!
來源 source: http://hk.apple.nextmedia.com
|
鍾意就快D Share啦！
|
|
|