周渝民（仔仔）最近忽然被泰國妹爆料指其始亂終棄，經理人當時以「不實內容」否認，點知呢位泰國妹不死心，據「ThaiGossip泰八卦」報道，噚日下午3點幾，泰國妹於泰國某電視台召開記者會，宣稱去年喺泰國蘇美島同仔仔發生關係，更展示自稱係同仔仔往來嘅信息。據台灣《蘋果》今年初亦收到類似信息。仔仔上年11月同拍拖4年幾嘅喻虹淵登記結婚，預定今年或明年舉行婚禮，據泰國妹「Pear」於記者會聲稱，2009年認識仔仔，隔年展開交往，「第一次」係被仔仔硬上，更指仔仔「不愛戴套」，二人最後一次見面係喺去年6月仔仔去蘇美島拍《追婚日記》時，泰國妹「Pear」更自稱當時懷孕，但2個月後不幸流產，自己係睇到新聞先知道仔仔結婚。不過，仔仔經理人柴小倩今日向台灣《蘋果》憤怒表示：「欺人太甚！」佢對不實內容不予回應，「倒是憬想聽精神科醫師怎麼說？一直以來她對精神病患都抱著寬容態度，但此女每天在FB玩角色扮演，一下說跟仔仔有一夜情，一下又說跟他交往5年，所提交的又都是大同小異的內容」，佢已決定交畀律師處理，走法律途徑解決。
來源 source: http://hk.apple.nextmedia.com
|
鍾意就快D Share啦！
|
|
|
