岑麗香同李亞男兩位鍾嘉欣（Linda）好姊妹，於溫哥華時間（27日）晚上11點35分，即香港時間（28日）下午3點35分離開婚宴會場，兩人面露幸福笑容分別接受訪問，跟男友熱戀期嘅香香被問到搶唔到花球？佢笑住話:「我搶唔到花球呀，咁君馨搶到都OK嘅。」講到不是事先表明拋給苟芸慧接?香香攪笑地話：「呢個唔係我想（控制），我追都追唔切，下次先啦，等君馨結婚時我再落力啲搶。」香香承認喺雙方家人向一對新人講出祝福時，自己都被感動到眼濕濕，佢話:「佢（嘉欣）哥哥唱歌俾佢聽，對我嚟講嗰一部份係最Sweet，因為佢哥哥係第一次喺婚宴上唱歌。」佢哋四姊妹獻唱環節，香香坦言非常緊張，今次獻唱有別於以往登台，場內氣氛好溫馨，企喺台上可以清楚望落到台下賓客，若果一唔出聲，成個場就會好寧靜，不過最緊要係成功將呢份咁有心儀禮物送俾嘉欣。參加完嘉欣婚宴後會否心動想結婚？香香甜笑話:「順期自然啦，我都接唔到花球，下次搶花球時我落力啲。」香香男友都有份出席婚宴，離場時原本一齊離開，不過男友發現有記者影相後就立即閃開。不過搶到花球嘅王君馨喺微博話:「識做嘅... 說過如果攞到會俾你，加油ah苟苟！」原來將個花球送咗俾苟姑娘，而苟姑娘而回應:「辛苦了寶貝！我突然變得好搶手」
來源 source: http://hk.apple.nextmedia.com
|
鍾意就快D Share啦！
|
|
|
