「你冇拍卡入閘，你犯咗港鐵附例，要罰錢！」在中學任教學助理的黃先生，昨日與女朋友往港大面試報讀碩士課程後返家，至中午近1時，經西營盤港鐵站B出口的5號入閘機「拍卡」入閘，卻被在場兩名便衣港鐵職員截停，經驗卡機確認，黃先生的八達卡並沒有扣除車資，以違反港鐵附例為由，將黃先生帶往主管室。「我真係清楚聽到『嘟」一聲，佢完全唔聽我解釋，好似錄音機咁重覆講話冇拍卡入閘。入到去，個經理又拒絕相信係入閘機有問題 ...
「你冇拍卡入閘，你犯咗港鐵附例，要罰錢！」在中學任教學助理的黃先生，昨日與女朋友往港大面試報讀碩士課程後返家，至中午近1時，經西營盤港鐵站B出口的5號入閘機「拍卡」入閘，卻被在場兩名便衣港鐵職員截停，經驗卡機確認，黃先生的八達卡並沒有扣除車資，以違反港鐵附例為由，將黃先生帶往主管室。「我真係清楚聽到『嘟」一聲，佢完全唔聽我解釋，好似錄音機咁重覆講話冇拍卡入閘。入到去，個經理又拒絕相信係入閘機有問題，要求我快快繳交$500的罰款，又質疑我有另一張八達通卡，否則會『好大件事』。」黃先生續稱，他在壓力下乖乖交下現金$500。離開時，他特意與女友返回入閘機處視察，發現該通道三個入閘機，都曾出現閘門沒有及時關上情況，「變相乘客無論有冇拍卡，都可以入到閘，即係容易跌入冇拍卡的『陷阱』。」黃先生事後在facebook寫上題為《港鐵，你們是否只懂欺壓我們小市民？》的千字文，訴說昨日的遭遇，堅稱自己是被屈，認為港鐵要正視閘機問題，並要求該職員當面向他道歉。其文章亦迅速轉載至不同fb群組，有多名西環區的網民均異口同聲地留言指，他們在西營盤及香港大學站，亦遇上閘機門長開情況，懷疑是否同一批次的入閘機出現問題，盼港鐵跟進。網民「Chan Lily」說：「香港大學站成日係咁，攪到我出唔到閘，要排隊找客戶服務，浪費我的時間，要去投訴下先得！」網民「Connie Chow」則懷疑因先前有小朋友拍卡入閘時因太矮感應不到，「所以閘口會開一段時間，下一位如照拍卡就會拍唔到但可以照過，引起誤會。」《蘋果》正就事件向港鐵查詢。【網民點睇】
Thomas Ng 新機衰過舊機。
Alick Wong 西港島線全部入閘機都係咁，佢sense唔到上一個人入左閘所以冇扣到你錢，點解成年都冇人理？
Penny Lau 堅城c出口入站(左7仔右電梯)，右數左第二部成日hold機，但照會bid一聲，成日見有班後生係到修理。
Alison Yip 唔止西營盤站，將軍澳區既閘機都係咁樣。想睇最新消息？ 即時follow【現場－蘋果突發】fb！http://fb.com/applecitycrime
黃先生認為今次是閘機出現問題，促港鐵就事件道歉。(徐雲庭攝) 
黃先生因被指沒有付錢入閘而被罰款。(徐雲庭攝) 