超蓮嘉倩行善解放 性感爆燈
早前關之琳（之之）與劉嘉玲傳不和，昨晚兩人原定出席慈善晚宴，但最終嘉玲因工作關係而未能到場，之之揚言不相信對方因她而避席，為事件降溫。而同場兩位靚女富二代何超蓮及邢嘉倩均齊齊大解放，激罕地以低胸裙撐場，性感爆燈。
「大美人」關之琳早前驚爆與台灣富商陳泰銘離婚，期間談及離婚前陳泰銘與好友劉嘉玲行山是不顧他人感受，因而傳出之之與嘉玲不和之說，而昨晚之之現身愛滋病研究基金會（amfAR）於邵氏影城舉行的第二屆慈善晚宴，在嘉賓名單中原有劉嘉玲，這將是兩女傳不和後首次出席公開場合，不過，最後嘉玲落實不會到場，因為嘉玲正身在外地有拍攝工作，並不在港，而她亦絕非避開與之之同場而缺席，因嘉玲根本不知其他出席的嘉賓名單。
身穿黑色晚裝的之之微露事業線，明艷照人，提到嘉玲缺席是次晚宴，她未等記者說畢問題已經搶答：「唔好講呢啲！都唔係真，唔好亂寫。（你指邊方面？即係嘉玲唔係避你？）係！都唔知點證實！」有指兩人早前有私人派對同場但互相視而不見？她不欲多談：「呢啲唔好講，有又寫冇又寫，好多餘！」至於有傳陳泰銘的兩名女兒也會到場，她反問：「係呀？（會唔會覺得尷尬？）冇，點會呢？咁大個人。」
猷啟幫眼揀男朋友
另外，賭王三房龍鳳胎何超蓮與何猷啟齊現身，超蓮穿上低胸晚裝，罕有拋胸，超蓮稱該打扮只是因應場合，已做足安全措施。問到超蓮感情狀況？她說：「我依家單身。（有冇請緋聞男友霍啟山？）我張枱就冇。」猷啟稱好女仔多人追，指對方未揀到，問到猷啟有否幫眼？超蓮表示：「佢OK，我先OK。（覺得啟山好唔好？）會揀，係好朋友，（之前一齊去旅行？）一大班朋友，唔係一齊去，去到先見到。」提到緋聞男友劉根森是晚同場，超蓮稱對方是猷啟的朋友，問到是否要過猷啟關？她坦言：「男同女唔一定係男女朋友。（佢有冇追你？）唔知，唔答呢啲。」
佗B六月未諗結婚
至於林青霞繼女邢嘉倩與外籍男友恩愛示人，懷孕六個月嘉倩以一龔火紅色低胸裙上陣，性感又搶鏡，問到懷孕感受？她坦言：「好開心。（係仔定女？）唔講，仔女都冇所謂。」她稱沒有妊娠不適，問到是否先生B後婚？她否認：「唔係。（諗住唔結婚？）係，都21世紀喇。（媽咪有冇分享心得？）兩個都有（林青霞及張天愛）。（林青霞話會買禮物比你？）都會，不過依家有啲早。」
另外，現場雲集荷里活紅星與名人，包括碧咸嫂Victoria Beckham、荷里活女星兼晚會名譽主席Uma Thurman（奧瑪花曼）、《狂野時速》系列電影女星Michelle Rodriguez（米雪洛迪格斯）、捷克女模Karolina Kurkova、楊紫瓊、周迅、賭王四房千金何超盈等，而碧咸嫂獲大會頒發特別榮譽獎項，以表揚她對於推動全球對抗HIV病毒及愛滋病的貢獻。
文：名人組
|
鍾意就快D Share啦！
|
|
|
