掃呢頁CODE去手機

2016年3月9日 星期三

初歸新抱 唔使猷亨錢 陳瀅掃平貨氹掂四太 [FACE - 459] __,陳瀅,梁安琪,四太,猷亨,MF,

陳瀅俾錢前,仲check過啲衫,做猷亨女友都仲咁慳,唔係個個得㗎!真面目初歸新抱 唔使猷亨錢 陳瀅掃平貨氹掂四太有邊個唔想同富家子拍拖?進入上流社會,即刻出入有司機,名店掃貨,呢啲係幻想mode或者大台膠劇就見到喇,現實中陳瀅Jeannie就真係同何家公子何猷亨拍拖喇,亦得到四太認同,不過陳瀅冇變身金絲雀,反而繼續自力更生,出入依然揸自己車,早前仲見陳瀅獨自去銅記睇3折減價衫。男友過百億身家,做女 ...


陳瀅俾錢前,仲 check過啲衫,做猷亨女友都仲咁慳,唔係個個得㗎!

真面目

初歸新抱 唔使猷亨錢 陳瀅掃平貨氹掂四太

有邊個唔想同富家子拍拖?進入上流社會,即刻出入有司機,名店掃貨,呢啲係幻想 mode或者大台膠劇就見到喇,現實中陳瀅 Jeannie就真係同何家公子何猷亨拍拖喇,亦得到四太認同,不過陳瀅冇變身金絲雀,反而繼續自力更生,出入依然揸自己車,早前仲見陳瀅獨自去銅記睇 3折減價衫。男友過百億身家,做女友都冇貪慕虛榮,難怪四太咁 like你

26歲陳瀅 Jeannie,上年憑《四個女仔三個 BAR》彈起,接騷頻頻,寫真又大賣,最近在新劇《潮流教主》做奸角都被巴打讚索,上年 12月被爆同何家四房公子何猷亨拍拖,做到女星嘅終極夢想,最重要係得到四太認同。早前陳瀅同何家一齊睇麥當娜演唱會,四太仲搭住陳瀅膊頭影相,又讚佢靚女,極速一家親。

早前陳瀅同男友猷亨和四太、超欣一齊睇麥當娜騷,四太搭住陳瀅影相,正式獲得確認

。《蘋果日報》圖片

三折特價場,場中由$199至$499,港女都未必入去,反而陳瀅有個富公子男友都照入貨,堅慳家!

陳瀅出完活動,即換番衫,打扮平民唔係富貴 look,飲水都仲係幾蚊嘅飛雪,唔係 evian。

最貴$499

幾乎係半個何家新抱,陳瀅冇繑埋手等嫁,反而繼續工作。上星期四(3日)活動後,仲要返大台工作,雖然男友家底過百億身家,但陳瀅出入依然係揸住部 40幾萬嘅舊 Audi跑車,睇行頭就知一個人有冇變質。

前週六(27日)獨自在銅鑼灣行街,陳瀅有名店街唔行,竟然去咗銅鑼灣皇室堡濕平,仲要去少女品牌鋪頭 b+ab,當時做緊 3折清貨,場內最貴只係$499,店內除咗師奶就係學生姝,但陳瀅都睇得自在,睇中兩件衫就試上身,又照下鏡,俾錢前仲 check清楚,絕對唔會土豪式唔睇價錢就買。唔好理陳瀅係咪真係咁慳,淨係睇減價貨呢個行為,已經贏盡四太心

濕平完就返上去公司,之後就返屋企,未見過猷亨蹤影。

上週四( 3日)陳瀅出完活動,原來上去波鞋店攞 Jordan 12特別版,形像入屋係多贊助㗎喇,冇得葡萄。網上圖片

有富公子男友,陳瀅照舊返工,上週四( 3日)同羅仲謙一齊出騷,陳瀅仲話會攞個 Batman車咕𠱸俾男友細佬,即係猷君,真係一家親。

新劇《潮流教主》陳瀅劇中飾演 Meg,出賣公司又要嫁禍俾蔡思貝,首次做奸角,不過巴打就好 like佢喇,反而蔡思貝就被封為「世紀煩音達」。網上圖片

賭王仔女多桃花

何家有財有勢,仔女個個都靚仔靚女,自然戀事多,個個不愁寂寞,暫時最吸睛係猷君同新加坡富商林榮福女兒 Kim,不過就唔知邊個最快結婚喇,咁多選擇好難揀。

超蓮翻撻

何超蓮同吳克群曾經拍拖 3年,佔據娛樂版唔少版面,上年分手,但最近又被拍得一齊喎。唔知係咪翻撻?

網上圖片

猷君熱戀

何猷君同新加坡富商林榮福女兒 Kim打得火熱,早前猷君仲飛去西班牙陪女友睇波。

猷啟夜蒲

三房公子何猷啟曾經同平凡索人拍拖,分手後女友車輪轉,最近被拍得在蘭桂坊同新女夜蒲。富家子多女性朋友是常識吧。

採訪、撰文、攝影:娛樂組


鍾意就快D Share啦!