掃呢頁CODE去手機

2016年3月9日 星期三

天降橫財中頭獎 啲錢點使好? [FACE - 459] __,MF,

全知言天降橫財中頭獎 啲錢點使好?六合彩個個想中,買完幻想下啲錢點使都夠大家high一日,原來班明星都愛發下橫財夢,做人父母嘅郭羡妮、郭政鴻第一時間幫仔女儲做學業基金。想擺脫貧窮無間地獄?早啲瞓啦!郭羡妮:儲基金網上圖片我一定會留筆錢俾我個女儲做基金,同埋買一層好舒服嘅樓俾屋企人。我唔會退休嘅,因為太早喇,好大嘅橫財自己冇試過,抽獎中就試過,但唔係一個好大嘅獎,仲要唔係Cash而係禮物啫。蘇麗珊: ...


全知言天降橫財中頭獎 啲錢點使好?六合彩個個想中,買完幻想下啲錢點使都夠大家high一日,原來班明星都愛發下橫財夢,做人父母嘅郭羡妮、郭政鴻第一時間幫仔女儲做學業基金。想擺脫貧窮無間地獄?早啲瞓郭羡妮:儲基金網上圖片我一定會留筆錢俾我個女儲做基金,同埋買一層好舒服嘅樓俾屋企人。我唔會退休嘅,因為太早喇,好大嘅橫財自己冇試過,抽獎中就試過,但唔係一個好大嘅獎,仲要唔係Cash而係禮物啫。蘇麗珊: ...


全知言

天降橫財中頭獎 啲錢點使好?

六合彩個個想中,買完幻想下啲錢點使都夠大家 high一日,原來班明星都愛發下橫財夢,做人父母嘅郭羡妮、郭政鴻第一時間幫仔女儲做學業基金。想擺脫貧窮無間地獄?早啲瞓

郭羡妮:儲基金

網上圖片

我一定會留筆錢俾我個女儲做基金,同埋買一層好舒服嘅樓俾屋企人。我唔會退休嘅,因為太早喇,好大嘅橫財自己冇試過,抽獎中就試過,但唔係一個好大嘅獎,仲要唔係 Cash而係禮物啫。

蘇麗珊:開 café

首先我唔會俾人知先,因為好危險,我知中橫財好易行衰運,所以要好好利用,我自己就好想開一間 café。自己中過最勁嘅橫財,最勁都係一千蚊,而另一次我記得係千嬅新碟發布會,當中有抽獎,幾乎所有人都抽到一千蚊獎品,但都係只得我抽唔到,所以我諗我冇咩橫財命喇。

網上圖片

郭政鴻:買大屋

首先再加厚我兩個女學業嘅基金,等佢喺學業上有一個好嘅保障,買過另一間再舒適啲嘅屋,等一家人可以一齊住唔會唔做,但會撥多啲時間畀屋企人,將生意再搞大少少,我冇咩抽獎運㗎,最叻仔試過抽中一部手機。

《蘋果日報》圖片

陳瀅:幫狗狗

首先係請假,同婆婆環遊世界,因為知道佢年紀大啦,我就孝順番佢,之後就想建立一個動物基金,因為見到人對啲動物唔好,特別狗仔,所以好想保護佢哋。我自己冇賭運同橫財命,當年夠年紀入賭場,試過玩下,玩百家樂同大細,全部輸晒。

網上圖片

白只:搞舞台劇

我會將嗰筆錢唔係用嚟投資,而係攞嚟使晒佢,點使呢?應該要做一個舞台劇,做一個演唱會,然後再做一部電影,我就可以揾晒我所有朋友,同埋我好欣賞嘅人一齊合作,我諗咁樣係最瘋狂㗎喇!自己中過嘅橫財,最勁就係超市 100蚊代用劵啦,我覺得好正喎!我有用到呀!

中大獎點算?

街坊:有錢去外國住

大家都想中頭獎,唔使等出糧,後生仔個個都會實現夢想,唔會第一時間話買兩層樓先,有人話有錢都唔會喺香港住,咁赤化,俾我都走啦。

Miko( 20歲):

首先分一半俾媽咪,跟住一半擺喺戶口慢慢用,但會繼續讀書,因為都要增值自己㗎。

吳小姐( 18歲)

環遊世界囉,我唔會唔讀書,讀埋兩年先囉,請埋朋友去歐洲,再買一層樓俾自己,一層俾人。

卓小姐( 20歲)

如果好有錢會諗住出國繼續讀 fashion design,俾番啲錢父母,因為讀呢科好貴, 1億喺香港都買唔到啲咩樓,住山頂要 8億喎,有錢梗係去外國住啦。

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!