掃呢頁CODE去手機

2016年3月30日 星期三

羅仲謙出蠱惑 IG只follow楊怡是假的! __,羅仲謙,楊怡,

楊怡同羅仲謙呢段姊弟戀發展4年,日前終於修成正果,不過女方手上有三個物業,男方一舊磚頭都無,有啲女尊男卑喎。事實上謙仔係無老婆楊怡搵咁多,但繼《西遊記之孫悟空三打白骨精》後,謙仔會將事業重心轉去內地,分分鐘憑新片《泡沫之夏》爆出都唔定。加上楊怡諗住跟老公一齊返內地發展,反正大台留人嘅條件唔吸引,跟謙仔返內地又可以睇實老公,更可以有多啲時間造人,一舉兩得。事關有知情者話三十有六嘅楊怡仲心急過羅仲謙, ...




楊怡同羅仲謙呢段姊弟戀發展4年,日前終於修成正果,不過女方手上有三個物業,男方一舊磚頭都無,有啲女尊男卑喎。

事實上謙仔係無老婆楊怡搵咁多,但繼《西遊記之孫悟空三打白骨精》後,謙仔會將事業重心轉去內地,分分鐘憑新片《泡沫之夏》爆出都唔定。加上楊怡諗住跟老公一齊返內地發展,反正大台留人嘅條件唔吸引,跟謙仔返內地又可以睇實老公,更可以有多啲時間造人,一舉兩得。事關有知情者話三十有六嘅楊怡仲心急過羅仲謙,話驚自己啲卵子唔等得喎。

雖然羅仲謙事業發展唔及老婆好,但份人就夠晒浪漫,睇佢IG淨係follow楊怡一個就知啦。不過,呢個其實係一場美麗的誤會,因為羅仲謙唔太識玩電腦,用ipad都只係睇吓新聞買吓波,所以佢根本唔會玩IG同微博,所有update嘅相同留言,都係佢助手肥斯幫佢搞。

講到底,最勁都係楊怡,明知老公唔玩IG同微博,照樣冧爆咁回應呢個「誤會」,視后果然係視后。

鍾意就快D Share啦!