掃呢頁CODE去手機

2016年4月10日 星期日

【有相】53歲鄭敬基閃娶34歲教友 婚前派對合巹交杯 __,鄭敬基,

恭喜恭喜!53歲鄭敬基(Joe)早前宣佈佢會再婚,同拍拖8個多月、細自己19年嘅教友Angie結婚。之前鄭敬基話過本月初會去20日加拿大福音之旅,到時仲會過百個多倫多親戚好友預先舉行一個pre-weddingparty。原來呢個party已經舉行咗喇,仲有靚相睇添!鄭敬基結過婚,但係佢為咗俾新娘子有一個完整嘅婚禮,故所有嘢佢都做到足,早前佢已經喺香港搵咗個加拿大影相攞過獎嘅好朋友StephenGu ...




其他影片:>>






恭喜恭喜!53歲鄭敬基(Joe)早前宣佈佢會再婚,同拍拖8個多月、細自己19年嘅教友Angie結婚。之前鄭敬基話過本月初會去20日加拿大福音之旅,到時仲會過百個多倫多親戚好友預先舉行一個pre-wedding party。原來呢個party已經舉行咗喇,仲有靚相睇添!鄭敬基結過婚,但係佢為咗俾新娘子有一個完整嘅婚禮,故所有嘢佢都做到足,早前佢已經喺香港搵咗個加拿大影相攞過獎嘅好朋友Stephen Gurie Woo幫佢哋影婚相,今個月返加拿大舉行盛大婚前派對,下月7號就係結婚大日子。今日鄭敬基喺加拿大嘅朋友,喺網上開心share婚前派對啦嘅相。如鄭敬基早前所言,真係有過百名多倫多親戚好友出席。相中一對準新人切心心結婚蛋糕,又向台下嘅賓客祝酒。Angie著咗一套白色小鳳仙裝,手執花球;鄭敬基就著西裝,官仔骨骨,不時攬實未婚妻纖腰,一臉幸福,好鬼肉緊。依家身在加拿大嘅鄭敬基話:「今次係好朋友幫我安排,不過我仲未註冊結婚,只係一個派對,佢哋話不如搞個party大家聚聚,點知變成per-wedding party,嗰晚大家都好開心,距離婚禮仲有一個月,我嘅心情都好開心!」祝一對準新人白頭到老,快啲開枝散葉呀!

鄭敬基與未婚妻Angie早前舉行pre-wedding party,浪漫溫馨。 準新郎輕擁未婚妻纖腰,結婚蛋糕、花球、禮服齊備,不知情者還以為是結婚派對。 合巹交杯
一對準新人宴請過百親友到賀,幸福滿溢。 鄭敬基未婚妻設計的婚禮請柬。 拍拖半年,鄭敬基與Angie已認定對方是終生伴侶。

鍾意就快D Share啦!