周美欣呢個試範就啱晒，遇到有唔想要嘅身體接觸就要嗌「唔好」。
又嚟一單夜蒲，大概凌晨點零鐘，周美欣同大班男女友人，喺中環安慶大廈行出嚟。一身熱褲青春打扮嘅周美欣，同同行女友人相當好傾，而佢嘅一雙修長美腿，亦都相當亮眼，為漆黑嘅中環添咗陣陣亮光...對唔住，有啲誇咗。
表現誇張級抗拒
一行人原本邊行邊笑邊玩，不過突然間，有個男仔喺周美欣後面伸出友誼之手，搭住周美欣膊頭向前行。其實照睇個男仔嘅舉動冇乜特別，個態度亦都幾Friendly，不過周美欣就似乎唔多受落，喺男友人伸出友誼之手嘅時候，佢已經縮頭縮頸周身唔自在，之後佢以光速彈開，用膊頭...係，的確係用膊頭，仲要係一個郁得好勁嘅膊頭，揈甩咗男友人對手，然後再高聲拋下一句：「死開啦你！」以為咁樣已經好激？未算！周美欣極速彈開成功甩身之後，再擰轉頭對個男友人講：「你唔好行埋嚟！」到底佢哋係只係玩吓，定還是周美欣對個男仔真係有咁厭惡呢？確實係不得而知嘅。
之後周美欣就同班Friend，齊齊搭的士分批離開喇。
來源 source: http://hk.on.cc
|
鍾意就快D Share啦！
|
|
|