Twins成軍逾15年，舞藝非凡，唱功就……其實嚴格而言，舞藝都係一時時，有時齊有時唔齊，因為佢哋真係太忙。就嚟16年喇，Twins嘅歌，陪著大家長大，陪住大家暗戀女校男生，又陪住大家失戀眼紅紅坐到下一站天后。係嘅，雖然唱live會唔夠氣會走音，「兒歌」又OK洗腦，但那確是陪著大家長大的集體回憶。「我(我諗包括埋大部份人)由Twins出道到依家已經習慣咗佢哋把『類似』、『就快』走音聲，呢把聲都係Twins陪我哋成長嘅一部份。」今年初Twins紅館舉行跨年個唱，難免有負評，但確實見到兩人進步好多(話晒成軍十幾年喎…)，無論舞台、唱功都明顯下過苦功，fb上也見到不少網民出post同Twins講多謝。有人直頭話:「現場睇嗰陣我覺得自己返番去16歲。」咁如果Twins好完美咁唱live，一粒音都唔走，你覺得點？Twins唔走音，不是夢。多得瓊Jer開po，原來Twins出咗隻《TWINS LOL LIVE IN HK》 (3DVD + 2CD)，收錄Twins今年初跨年紅館個唱歌曲。叫得做live，演唱會原聲專輯，如果你決定買(iTunes、KKBOX同Moov都有)，你肯肯定已經做好了心理準備，就係唔夠氣、甩嘴、入錯key，走音。但，一聽之下，竟然冇。真係原聲？瓊Jer話，最大問題係，英皇將阿Sa同阿嬌演唱會啲聲，autotune到「不似人形(聲？)」，特別《風箏與風》，直情係執到好似機械人聲咁。瓊Jer比喻係，好似AlphaGo同快譯通合唱緊咁……Fans鬧是常識吧。但又唔係碟內首首歌都出事嘅，只係慢歌最為明顯，例如《戀愛大過天》。《風箏與風》喺演唱會原聲專輯裡面被執到似機械人聲，《TGIF》就真係極有CD質素。《丟架》仍然聽到噴咪同換氣聲，但肯肯定唔係原聲。網民紛紛鬧爆:
「我等咗四個月，你俾啲咁嘅聲我？大合唱呢？新版女校男生呢？原音呢？完全係兩個機械人咁。雖然無論點差都會買，但請別敷衍我們的真心。」
「咩料啊，知唔知咩係live啊？ 好難聽啊執到咁！」
「機械人tune聼得我好不舒服啊~~而且大合唱是精髓！製作人可以炒掉了！」
「修完之後真係好難聽，明明現場睇唱得好好。」
「個演唱會完結後睇咗嘅人都讚，首首歌都萬人大合唱，加埋Twins把聲真係天衣無縫，係大家嘅童年回憶。但係EEG就將最精彩最正嘅part cut晒。把聲執到唔知想點，今次EEG擺明倒Twins米啫！」有人直頭話好似初音……想聽下真正live同「演唱會原聲專輯」有幾唔同，去片。
至於兩人回應，詳見另文。
|
鍾意就快D Share啦！
|
|
|