掃呢頁CODE去手機

2016年5月26日 星期四

吉隆坡見莊思明父母 楊明「面試」滿分 [壹週刊 - 1368] __,莊思明,楊明,思明,M1,

被撞破莊思明單拖行去停車場上車,點知男友楊明中途會合,被撞破二人扮前後腳返港。探熱針吉隆坡見莊思明父母 楊明「面試」滿分與拿督女莊思明拍拖兩個月的楊明,上星期飛吉隆坡拍特輯時,趁機跟女友回家見家長。據知,楊明「初次面試」攞滿分,並深得女方家人及朋友歡心,連未來大姨莊思敏都激讚,做拿督女婿,十拿九穩!即跟熱戀情侶見少陣都唔得!早前長駐深圳拍劇的楊明,收工會漏夜飛撲返港急見莊思明,甚至當街啜爆女友,超 ...


被撞破

莊思明單拖行去停車場上車,點知男友楊明中途會合,被撞破二人扮前後腳返港。

探熱針

吉隆坡見莊思明父母 楊明「面試」滿分

與拿督女莊思明拍拖兩個月的楊明,上星期飛吉隆坡拍特輯時,趁機跟女友回家見家長。據知,楊明「初次面試」攞滿分,並深得女方家人及朋友歡心,連未來大姨莊思敏都激讚,做拿督女婿,十拿

九穩!

即跟

熱戀情侶見少陣都唔得!早前長駐深圳拍劇的楊明,收工會漏夜飛撲返港急見莊思明,甚至當街啜爆女友,超肉緊。上星期,楊明要去吉隆坡拍特輯,莊思明即跟,與男友前後腳飛返大馬老家。

「楊明去嗰邊拍星級健康特輯,同行仲有翟威廉、唐詩詠同岑麗香,個節目係講環保,要留响當地六日,個拍攝行程唔算密,可以抽到時間陪女友返屋企見家長。」知情者說。

莊思明帶男友楊明與拿督爸爸及媽咪食飯見面,據知莊氏一家對楊明印象不錯。

一向疼錫妹妹的莊思敏,對於莊思明的新男友楊明讚不絕口, like爆!

楊明與莊思明拍拖兩個月,見少陣都唔得!

早前,在深圳收工的楊明趕返香港會合莊思明,並於中環急聚兩小時,其間又拖手又啜爆,熱戀中的情侶果然愛得痴纏。

大姨過目

行程中,除非要開工,否則楊明都是陪住女友,寸步不離。

「莊思明帶咗楊明去同屋企人食咗餐飯,佢父母對楊明印象唔錯,大家相處得好好。除咗見屋企人,仲帶咗佢見自己啲朋友,楊明好叻講嘢,所以好快就融入到女友嘅朋友圈。」

據了解,和楊明一開始拍拖,莊思明已帶男友和莊思敏見面,讓大家過目!

「莊思敏覺得楊明對自己細妹好細心,仲讚佢個人好又有耐性,其實佢唔想個妹再同陳司翰翻撻又翻撻,所以好贊成莊思明同楊明一齊。」知情者說。

見完家長,莊思明阿嫂(前)與楊明及莊思明繼續飲嘢,相處很融洽。

今次大馬之行,楊明與唐詩詠、岑麗香及翟威廉拍攝有關環保的特輯。

在吉隆坡除見家長,莊思明還介紹男友俾相識多年的模特兒朋友 Amber認識。

趕上深圳

上週六(五月二十一日)晚,莊思明十點幾返到香港,但未有和楊明一齊出閘,被問到有關帶男友返吉隆坡屋企見家長,她說:「我自己放完假返嚟,有同屋企人食咗餐飯。」

往停車場途中,楊明終於現身合體,問二人為何分開出閘,莊思明搶答:「怕咗你哋(記者)。」楊明則補充:「攞行李。」

「(咁快見家長,會唔會今年結婚?)應該唔會咁快嘅。(女友爹哋鍾唔鍾意你?)咁要問佢喎!問 uncle啦。(咁你覺得佢對你嘅印象好唔好?) OK嘅!」楊明笑着說。之後,兩人分開車離開,楊明更由機場直接到皇崗口岸,過境返上深圳,歸隊繼續拍電視劇《群英會》。

扮單拖

從吉隆坡抵港的莊思明,扮單拖返港。

直駛皇崗

與女友分開車走的楊明,其座駕直駛皇崗口岸,過境返深圳繼續趕劇。

撰文、攝影、攝錄:娛樂組


鍾意就快D Share啦!