繼四大唱片版稅風波後，近日無綫和環球唱片再度反面！昨日本報向環球總經理譚先生求證，他說：「我哋有網絡使用權合約，每三年再簽一次，根據政府CPI（消費指數）公佈基制傾銀碼，今年公司主動提出續約，但何哲圖（無綫附屬唱片公司星夢CEO）傾約時想加一個條款，要求環球旗下歌手嘅歌曲，可以永久性地用喺佢哋網絡平台，最主要針對萬一唔續約都可以永久用，包括海外使用權。」由於這條款無理兼苛刻，譚先生坦言環球不接受：「公司要求無綫喺合約到期後，將公司歌手所有歌曲下架，香港o依家唔係得一個電視台，其他平台都可以宣傳。」問到是否覺得無綫好霸道？他說：「每間公司都有自己規矩，環球唱片係國際公司，要堅持番公司原則，就算其他網上平台合作一樣，都唔會有永久性，因為藝人表演係公司最大財產，冇可能合約完咗之後，可以永久性地擺喺佢哋網上平台再用，呢個影響唱片公司收入。」以後不再跟無綫合作？譚先生說：「網絡使用權佢哋用唔到，可能佢哋都要計數，如果佢哋搵我哋做，呢個原則下無任歡迎。」會否跟其他電視台合作？他說：「喺呢個年代，我哋同每個平台都有合作，之前盧冠廷做毛記台慶表演，最近佢同Gin Lee（李幸倪）都為ViuTV拍音樂特輯，陳奕迅（Eason）《黑洞》MV都畀Viu首播，其實我哋好開放，合符原則之下都會做。」昨日盧冠廷到尖沙嘴舉行專輯試聽會，問到環球跟無綫擘面，會否擔心少了宣傳渠道？他說：「唔擔心。」現有新電視台及網上宣傳，不需要靠大台？他說：「都唔關事嘅，我同公司合作得舒服，咪跟住佢哋方向囉。」另外，Gin Lee昨晚在中環出席美容活動，她說﹕「我唔係太清楚公司點傾，當然歌手都覺得多一個平台係好事，有問題會覺少少可惜，但都交由公司決定。」她透露稍後會幫ViuTV合作拍旅遊特輯。無綫新劇《親親我好媽》，由前戲劇製作部總監梁家樹愛將關永忠監製，演員有陳敏之、黃智賢、江美儀等，據知，早前因演員投訴劇本差及高層權鬥問題，被高層曾勵珍下令「停廠」四日。昨日本報收到消息，指關永忠要為停廠負全責，成為事件的政治犧牲品。事關《親親我好媽》是助理總經理杜之克落旨開拍，而杜之克跟綜藝科總監余詠珊同一陣線，兩人與戲劇製作部總監曾勵珍勢成水火，今次因監製出錯搞到停廠四日，故關永忠要孭黑鑊被犧牲！其實，去年汪明荃落敗視后，羅家英已在微博留言：「梁系已飄蓬葉落，你明白的！」屬於梁家樹派系的關永忠被犧牲很正常。消息指關永忠接到大信封後，無綫下旨叫他低調處理，對外表示是自己「請辭」，而非「被辭」，昨日記者致電關永忠求證，問到是否離開無綫？最初他否認：「唔係，冇呀！」記者指因「停廠」事件傳被炒魷，他說：「舊聞喇！我o依家做緊呢套劇後期，未知幾時街，仲剪緊。」由於傳聞言之鑿鑿，記者再次致電給他，關永忠終改口：「唔係未辭職，係未走，公司規定辭職要六個月通知，自己喺無綫三十年，夠皮啦，唔係長情，鍾意就做啦。」問到是否做得不開心呈辭？關永忠坦言：「有啲影響，個人都攰。」是否跟停廠有關？他強調：「冇人同我提過呢件事，停廠停外景成日都有，牽涉搭景、演員檔期，其實係煲大咗，冇乜大問題。」余珍兩高層鬥爭激烈，記者指他不是珍姐黨羽，關永忠說：「我哋都係under佢嘅員工，TVB係老細，我哋出TVB糧，打工仔可以做乜，上面有乜指示做乜。我好少同老細打交道，多一事不如少一事。」
|
鍾意就快D Share啦！
|
|
|
