無綫亂局 環球反枱禁網播金曲
電視變天！雖然亞視不再永恒，但在ViuTV轟炸下，無綫已失去霸主地位，最近更面臨內憂外患打擊。據知，綜藝科總監余詠珊與戲劇製作部總監曾勵珍，二人的內部權力鬥爭激烈，令任職30年的老臣子監製關永忠，淪為政治犧牲品「被辭職」；而以大台自居的無綫，更逼環球唱片簽一世任用網上播放權條款，結果激嬲環球拒絕再玩，雙方已於本月1日割席，無綫網上平台一律被禁止播放環球旗下的所有歌曲。
【外患】
繼四大唱片版稅風波後，近日無綫和環球唱片再度反面！
昨日本報向環球總經理譚先生求證，他說：「我哋有網絡使用權合約，每三年再簽一次，根據政府CPI（消費指數）公佈機制傾銀碼，今年公司主動提出續約，但何哲圖（無綫附屬唱片公司星夢CEO）傾約時想加一個條款，要求環球旗下歌手嘅歌曲，可以永久性地用喺佢哋網絡平台，最主要針對萬一唔續約都可以永久用，包括海外使用權。」
由於這條款無理兼苛刻，譚先生坦言環球不接受：「公司要求無綫喺合約到期後，將公司歌手所有歌曲下架，香港𠵱家唔係得一個電視台，其他平台都可以宣傳。」問到是否覺得無綫好霸道？他說：「每間公司都有自己規矩，環球唱片係國際公司，要堅持番公司原則，就算其他網上平台合作一樣，都唔會有永久性，因為藝人表演係公司最大財產，冇可能合約完咗之後，可以永久性地擺喺佢哋網上平台再用，呢個影響唱片公司收入。」
【內憂外患】
■無綫面臨內憂外患打擊，內部有余珍兩派權力鬥爭，對外則跟環球唱片擘面收場，同時又面對ViuTV的收視步步進逼。
設計圖片
【力撐ViuTV】
■環球歌手Eason新歌《黑洞》MV安排於下周在ViuTV首播。
資料圖片
■將為ViuTV拍攝音樂節目的Gin Lee，昨認為多個平台是好事。
Eason新歌MV畀Viu播以後不再跟無綫合作？譚先生說：「網絡使用權佢哋用唔到，可能佢哋都要計數，如果佢哋搵我哋做，呢個原則下無任歡迎。」會否跟其他電視台合作？他說：「喺呢個年代，我哋同每個平台都有合作，之前盧冠廷做毛記台慶表演，最近佢同Gin Lee（李幸倪）都為ViuTV拍音樂特輯，陳奕迅（Eason）《黑洞》MV都畀Viu首播，其實我哋好開放，合乎原則之下都會做。」
昨日盧冠廷到尖沙嘴舉行專輯試聽會，問到環球跟無綫擘面，會否擔心少了宣傳渠道？他說：「唔擔心。」現有新電視台及網上宣傳，不需要靠大台？他說：「都唔關事嘅，我同公司合作得舒服，咪跟住佢哋方向囉。」
另外，Gin Lee昨晚在中環出席美容活動，她說﹕「我唔係太清楚公司點傾，當然歌手都覺得多一個平台係好事，有問題會覺少少可惜，但都交由公司決定。」她透露稍後會幫ViuTV合作拍旅遊特輯。
採訪﹕皓騫、曹家誠、王連連
攝影﹕仇志德
■星夢CEO何哲圖領軍之下，䣭下歌手去年在無綫頒獎禮威盡。
■盧冠廷（左）昨出席新碟試聽會，不擔心公司跟環球反面後少了宣傳渠道。
|
鍾意就快D Share啦！
|
|
|
