無綫亂局 余珍惡鬥監製被辭職
【內憂】無綫新劇《親親我好媽》，由前戲劇製作部總監梁家樹愛將關永忠監製，演員有陳敏之、黃智賢、江美儀等，據知，早前因演員投訴劇本差及高層權鬥問題，被高層曾勵珍下令「停廠」四日。
昨日本報收到消息，指關永忠要為停廠負全責，成為事件的政治犧牲品。事關《親親我好媽》是助理總經理杜之克下旨開拍，而杜之克跟綜藝科總監余詠珊同一陣線，兩人與戲劇製作部總監曾勵珍勢成水火，今次因監製出錯搞到停廠四日，故關永忠要孭黑鑊被犧牲！其實，去年汪明荃落敗視后，羅家英已在微博留言：「梁系已飄蓬葉落，你明白的！」屬於梁家樹派系的關永忠被犧牲很正常。
消息指關永忠接到大信封後，無綫下旨叫他低調處理，對外表示是自己「請辭」，而非「被辭」，昨日記者致電關永忠求證，問到是否離開無綫？最初他否認：「唔係，冇呀！」記者指因「停廠」事件傳被炒魷，他說：「舊聞喇！我𠵱家做緊呢套劇後期，未知幾時出街，仲剪緊。」
由於傳聞言之鑿鑿，記者再次致電給他，關永忠終改口：「唔係未辭職，係未走，公司規定辭職要六個月通知，自己喺無綫三十年，夠皮啦，唔係長情，鍾意就做啦。」
【派系鬥爭】
■余詠珊（右）和曾勵珍水火不容，令下屬慘成代罪羔羊。
資料圖片
關永忠直認唔開心問到是否做得不開心請辭？關永忠坦言：「有啲影響，個人都攰。」是否跟停廠有關？他強調：「冇人同我提過呢件事，停廠停外景成日都有，牽涉搭景、演員檔期，其實係煲大咗，冇乜大問題。」余珍兩高層鬥爭激烈，記者指他不是珍姐黨羽，關永忠說：「我哋都係under佢嘅員工，TVB係老細，我哋出TVB糧，打工仔可以做乜，上面有乜指示做乜。我好少同老細打交道，多一事不如少一事。」
採訪：非非
【慘被犧牲】
■任職30年的無綫監製關永忠，成為權鬥犧牲品被辭職。
資料圖片
來源 source: http://hkm.appledaily.com
|
鍾意就快D Share啦！
|
|
|
