諸葛紫岐老公薛嘉麟出手認真闊綽！
娛樂公司老闆諸葛紫岐（Marie）與老公薛嘉麟向來恩愛，早前兩人結婚四周年時，薛嘉麟更攬住太太錫錫慶祝，當時Marie撒嬌說冇禮物又冇驚喜，但其實愛妻號薛嘉麟一早安排了神秘大禮送給太太，就是一個為Marie度身安排的巴黎遊，夫婦更帶同兒子薛華韜，及兩名工人姐姐，一行五人出發前往巴黎，入住古堡坐名車之餘，更有管家及司機24小時侍候，將Marie打造成置身童話故事中的公主。
管家司機24小時侍候
對此，Marie接受《東網》訪問時，成副冧聲表示：「呢個周年紀念驚喜，其實薛生都冇操心過，因為全程有人侍候，本身我都要求高，好似每朝要食好法式嘅早餐，又要食有機蔬菜同水果，管家都會專登去超市準備好晒，出入又有車。因為嗰排巴黎天氣好反常，一日之內會落雪，又出太陽，轉頭又落雨，有車方便好多，聽講當地搶劫好嚴重，我哋架車車係黑色玻璃嘅，咁就安全好多。」問到該行是否所費不菲時，諸葛笑而不語，再追問是否花了七位數時，諸葛笑言：「差唔多」
囝囝有法語天份
Marie又指他們在當地遊覽了多處名勝，包括博物館和水族館等，另外又看了一場方程式賽車，並謂在公園騎木馬令兒子開心不已。問到此行是否刻意追女？她說：「小朋友係天意，等天送畀我。」明顯對生仔計劃開綠燈。Marie又說此行另一收穫是發覺兒子對法語很有天份，故回港後立即替兒子報讀法語班。
來源 source: http://hk.on.cc
|
鍾意就快D Share啦！
|
|
|
