藝人鄧麗欣（Stephy）跟方力申結束十年情，日前小方在一個電台節目中，直認難捨與Stpehy之間的一段情，更多次夢見她，言談間更數度哽咽，而今日Stephy出席電影開鏡儀式，被追問到小方對她未忘情，Stephy也忍不住再次落淚。
談到舊愛方力申表示難捨與她一段情，剛由峇里返港的她說：「尋日先睇到，喺朋友口中得知，依家唔係好想講太多佢哋嘅事，等大家或者我哋丟淡啲先，等foucs我哋工作先，大家唔使咁關心我哋。」跟住她靜下來再說：「我唔知可以講啲咩。」說罷又靜默不作聲，她坦言看到小方不捨她的報道，個心也「噏噏哋」，見她雙眼通紅，強忍淚水說：「呢排都唔係咁想聯絡，因為覺得呢個時候唔識點表達同點講。」
timing同溝通上嘅問題
被問到會否心軟跟方力申復合？她停頓好幾秒後說：「冇諗呢樣嘢，我哋之間最主要係溝通同timing問題。」小方自爆在雙方冷靜期時，兩人都有過結婚念頭，更覺得Stephy是好好的結婚對象，她說：「小方講得好啱，但都係timing同溝通上嘅問題，其實私底下我哋好少講結婚呢樣嘢，反而係公開同傳媒口中先有講，所以我覺得呢件事有啲怪，唔想講太多。」
Stephy表示將來如何，都應該留給他們兩人去處理，問到是否如小方所言兩人之間已經沒有愛？她說：「其實都係之前講嘅問題，溝通同timing，愛都有好多層次，好似家人嘅愛、朋友嘅愛，所以唔可以話冇愛。」
繼續工作
談到在新片中飾演的殺手角色，Stephy說：「我係大婆，無意中發現另一半有小三，仲有小四，我會聯同小三一齊打個小四，部戲有啲黑色幽默同動作。」她表示第一次拍這類以女仔為主的動作戲，以往拍愛情片多，她說：「今次我會打得型啲，仲會開槍。」今次電影與周秀娜、樂基兒等合作，一班女仔拍戲可擔心多是非？她笑言習慣晒，反而好期待，她說：「周秀娜係雙子座，同我係好夾嘅。」
|
鍾意就快D Share啦！
|
|
|