掃呢頁CODE去手機

2016年6月16日 星期四

唐文龍鬧市趷籮演胸 [壹週刊 - 1371] __,唐文龍,M1,

同你吟一吟唐文龍鬧市趷籮演胸喺中環銅鑼灣尖沙咀呢啲旺區,時不時會見到啲後生女模,戙响條街擺pose俾人影相;但呢日《壹》仔見到嘅,唔係美少女,係仔……更正,佬先啱!三點幾四點,喺經常人車爭路嘅中環皇后大道中同畢打街紅綠燈位,見到白tee襯老牛嘅唐文龍,企咗响行人路邊擺晒姿勢,貼身tee下胸肌「飽滿」,老實,真係大到要戴胸圍。趷籮演胸,換衫轉位,影咗粒幾鐘,點止汗,油都出埋。不過《壹》仔全程見唔到有 ...


同你吟一吟

唐文龍鬧市趷籮演胸

喺中環銅鑼灣尖沙咀呢啲旺區,時不時會見到啲後生女模,戙响條街擺 pose俾人影相;但呢日《壹》仔見到嘅,唔係美少女,係仔……更正,佬先啱!

三點幾四點,喺經常人車爭路嘅中環皇后大道中同畢打街紅綠燈位,見到白 tee襯老牛嘅唐文龍,企咗响行人路邊擺晒姿勢,貼身 tee下胸肌「飽滿」,老實,真係大到要戴胸圍。

趷籮演胸,換衫轉位,影咗粒幾鐘,點止汗,油都出埋。不過《壹》仔全程見唔到有化妝髮型跟場,連個揸機嘅攝影師,都唔係好 pro!一問之下,原來唔係幫報紙雜誌影相,純粹唐文龍自用,私人珍藏。

Hehe!明晒!

08年

以前嘅唐文龍, man!近年留咗鬚,又愈來愈大隻,谷到個胸到可以戴胸圍,反而 cam咗!

大熱天响條街走來走去個幾鐘,唐文龍熱到抹濕幾張紙巾。

唔係做 job,冇人服侍外,幫唐文龍揸機影相嘅呢位仁兄,望落亦……

緋聞唔多,自稱只係拍過兩次拖嘅唐文龍,被指曾力追合作拍大台劇《十月初五的月光》嘅阿佘。

撰文:八珍


鍾意就快D Share啦!