掃呢頁CODE去手機

2016年6月16日 星期四

喪母打擊落晒形 杜汶澤督阿田睇中醫 [壹週刊 - 1371] __,阿田,杜汶澤,田蕊妮,M1,

緊張老婆健康的阿澤,一有時間就抽空陪阿田睇中醫。娛樂偵訊喪母打擊落晒形 杜汶澤督阿田睇中醫入行已經四分一個世紀的田蕊妮,過檔大台後一直不缺機會,13年更憑《巨輪》爆上,一劇接一劇坐穩一線花旦位,但今年初撞正媽咪離世,受到極大打擊的阿田,成個落晒形!心情差又要趕工,內外俱傷!由於38歲高齡的阿田仍未放棄生B,故近日無論幾忙都好,杜汶澤都做跟得老公,陪實老婆去睇中醫,調理身體。扮晒冇事今年三月,田蕊妮 ...


緊張老婆健康的阿澤,一有時間就抽空陪阿田睇中醫。

娛樂偵訊

喪母打擊落晒形 杜汶澤督阿田睇中醫

入行已經四分一個世紀的田蕊妮,過檔大台後一直不缺機會, 13年更憑《巨輪》爆上,一劇接一劇坐穩一線花旦位,但今年初撞正媽咪離世,受到極大打擊的阿田,成個落晒形!心情差又要趕工,內外俱傷!

由於 38歲高齡的阿田仍未放棄生 B,故近日無論幾忙都好,杜汶澤都做跟得老公,陪實老婆去睇中醫,調理身體。

扮晒冇事

今年三月,田蕊妮母親因病離世,自此,阿田的心情一直沉底,但貴為無綫首席花旦劇接劇,就算情緒瀕臨崩潰又無法停工,阿田仍強裝冇事,死撐!老公杜汶澤看在眼裡,惟有不停開解。

「阿田媽咪都走咗幾個月,不過佢心情都未平伏,有段時間仲成日匿埋喊,加上要開工,身體差咗好多,食乜都唔吸收;以前開夜佢好捱得,但而家就好容易攰,精神又唔多好,阿澤都好擔心!」知情者說。

拍罷《來自喵喵星的你》後,緊接與鄭嘉穎合作的新劇《迷》,田蕊妮又係孭正,見老婆日夜顛倒落晒形,廿四孝的阿澤惟有督住阿田,陪她睇中醫。

輪候診症期間,兩公婆各自睇手機打發時間。

睇中醫十五分鐘,阿田和老公一齊細心聽醫師意見。

受胃癌所困,田母近年消瘦不少,今年初,孝順的阿田專登抽時間與父母到新加坡旅行。

人滿要排隊

早個禮拜,拍完夜班戲,阿田收工回家休息幾個鐘後,杜汶澤便捉了她去銅鑼灣睇中醫。下午兩點幾,藥行已經坐滿等候睇病的病人,阿田坐低排隊,阿澤就坐對面等執藥的位,其間田蕊妮一直講電話,阿澤亦埋頭睇手機,等了唔夠半個鐘,終於輪到田蕊妮把脈。

其間醫師不時叮囑阿田要多爭取時間休息,盡量減少捱夜,診症前後約十五分鐘,兩公婆先離開,轉頭再攞藥。

三月底,田母因病離世,在靈堂打點的阿田又瘦又憔悴。

去年底,田蕊妮再憑《鬼同你 OT》攞女主角獎。

結婚十年,田蕊妮對生 B一直採取順其自然態度。

考慮減產

亞視出身的田蕊妮,○六年過檔無綫後,情況同江美儀一樣,因為好使好用又好戲,成為大台監製熱選,事業出現新裂口,一三年更加攞埋視后,也因此一度令阿田決定延遲生 B計劃。

「佢哋結婚十年,阿田都三十八歲雖然冇話好恨生,但真係有,阿澤都想老婆身體係 ready好。不過因為喺無綫有咁多機會,所以佢想再衝吓!但自從田媽過身,佢睇法又唔同咗,仲同老公商量過拍完手頭啲劇,會減產爭取多啲時間休息,就算造人唔成功,調理好身體都要。」知情者說。



杜汶澤病癒復出演卡啦騷,老婆撐場嘴嘴。

《巨輪》的「倀雞英」一角,令阿田成功上位,往後劇接劇。

同陳豪拍完《來自喵喵星的你》,阿田又埋位與鄭嘉穎、坤哥合作新劇《迷》。

患難見真情

共富貴易,共患難一樣 OK嘅,田蕊妮都算頭幾位!

早年的杜汶澤經常周身債,往後就算憑《無間道》傻強上位,但一朝得志,語無倫次!

事業打回原形! 12年杜汶澤更發現雙眼出現重影,四肢麻痺,其後證實患上罕見疾病「米勒費雪症候群」,此病嚴重會全身癱瘓,甚至窒息死亡。阿澤即時停工,專心抗病,休息手停口停,田蕊妮擔起頭家,中港兩邊飛搵錢,對老公不離不棄。

撰文、攝影、攝錄:娛樂組


鍾意就快D Share啦!