掃呢頁CODE去手機

2016年6月16日 星期四

酒吧前奏 伍詠薇老公南灣車廂偷食 [壹週刊 - 1371] __,伍詠薇,M1,

伍姑娘二月47歲生日,跟老公開心慶祝。娛頭酒吧前奏 伍詠薇老公南灣車廂偷食現年47歲的伍詠薇,99年再婚(第一任老公翁江培),與從事廣告業的練海棠走過十七年婚姻生活,表現恩愛。不過,年過半百的練海棠,近日卻背住老婆偷食34D屋邨妹;早有準備的他,全程戴口罩又剝衫玩變身,甚至使走司機,自己做柴可夫跟屋邨妹到中環撐枱腳,然後直落車去海灘,玩車廂纏綿兩粒鐘。事後,含春練海棠更落車淋水解渴!真係咁爽!化整 ...


伍姑娘二月 47歲生日,跟老公開心慶祝。

娛頭

酒吧前奏 伍詠薇老公南灣車廂偷食

現年 47歲的伍詠薇, 99年再婚(第一任老公翁江培),與從事廣告業的練海棠走過十七年婚姻生活,表現恩愛。不過,年過半百的練海棠,近日卻背住老婆偷食 34D屋邨妹;早有準備的他,全程戴口罩又剝衫玩變身,甚至使走司機,自己做柴可夫跟屋邨妹到中環撐枱腳,然後直落車去海灘,玩車廂纏綿兩粒鐘。事後,含春練海棠更落車淋水解渴!真係咁爽!

化整為零

結婚多年的伍詠薇和練海棠,經常將慶祝生日或結婚周年開 P的恩愛相,放微博晒幸福;一四年二人結婚十五周年紀念,伍姑娘更公開大讚另一半亦師亦友亦伴侶,堅信二人風雨同路,可繼續走下去。

只要相信!就算一○年練海棠被發現趁老婆離港偷食長髮女,伍姑娘第一時間出來撲火,力撐老公冇行差踏錯。

「其實老練(練海棠)身邊一直唔缺女,佢以前搞 production house,成日要 cast啲女仔拍廣告做活動,所以大把機會,不過他唔會揚,伍姑娘亦識做,講過如果選擇相信,就唔會查根問底。嗰次俾人影到同個長髮女燭光晚餐,伍姑娘都係同老練講,如果要走,早啲通知,唔想自己係最後一個知道。」知情者說。

34D大胸女

偷食的 34D屋邨妹十分有肉地,平日著衫亦好有睇頭。

泊好車,練海棠戴罩同新女開餐。

女扮醉

男含春

落車水淋頭

難捨拖手

去 7仔變身

有個睇得開又大方的老婆,趁伍姑娘近期要拍有線電視真人騷《伍姑娘真識食》,靜極思動的練海棠又再孔雀開屏。近半個月,連續約會相當好肉地的 34D長髮女;而每次出動,練海棠都會戴口罩遮樣,甚至剝衫變身,做足十級戒備。

今個月四日黃昏時分,本刊發現練海棠揸住平日由司機開的七人車到天后,之後跟露腰背心短褲的大胸女來個熱情 goodbye kiss,才開車走人。享受完快餐後,練海棠就到越南餐廳,買了大袋外賣返貝沙灣屋企,同老婆撐枱腳歎常餐。

三日後,下午茶時間,不用上班的練海棠又再相約 D胸女,到唔多人的油麻地百老匯睇戲。只見他一個人去食麥記,食完拎住個紙袋行去附近 7仔,本來著住白色 tee的他,失驚無神著多件恤衫上面,又戴埋口罩同眼鏡,大變身!

6月 4日下午五點

車廂 goodbye kiss

練海棠送女友去天后,落車前,在車廂內二人(箭咀)啜啖先。

練海棠偷食完,買了大袋外賣返屋企交人。

6月 7日下午三點

偷食變身

著住白底先在老麥開餐。

拎住紙袋的練海棠,閃入七仔變身,加恤衫眼鏡口罩。

然後會合女友到油麻地睇戲。

睇完戲,再入七仔回復舊 look,使走司機,接埋女友上車,再戴住口罩開車載女友過中環。

使走司機

原來練海棠約好了 D胸女在戲院大堂等再一齊入場;散場時,二人搭𨋢時仍有講有笑,但跟住又好有默契地分開,練海棠再次閃入便利店,除去口罩回復本來面目後,他的司機亦校啱時間,揸定架車等候。

交收完後,練海棠便使走司機,而 D胸女亦在這時出現上車。有女在旁,練海棠又馬上再戴番口罩遮樣。

睇完戲,下一站開飯。由九龍經西隧到中環藝穗會,到停車場泊好車,練海棠便攬住 D胸女去搭𨋢,之後二人一度又扮唔識分頭行,只見 D胸女在藝穗會畫廊慢行了十五分鐘,然後到酒吧先行坐低。

二人到中環停車場後即分開行。

匿酒吧開餐

女友先在酒吧坐低視察環境。

放電

猴擒

扮醉

含春扮醉

食飯當然不是主菜!二人叫了意粉同白酒,兩杯落肚,練海棠愈來愈放鬆,坐在 D胸女面前又咬唇又笑到含晒春,對方亦配合有反應,只飲了一杯白酒的她,竟然扮醉到趴响枱,好戲到呢!

爭取時間,食唔夠一粒鐘,七點幾練海棠已叫埋單走人,到停車場攞車駛到藝穗會門口,上車時,醉到趴枱的 D胸女出奇地完全清醒,練海棠隨即開 turbo,直踩入南灣沙灘。

老公偷食翌日

六月八日,老公練海棠喺車廂偷食後翌日,伍姑娘隻影形單,由司機載去銅鑼灣一間藥房買藥,之後走入一幢商廈逗留個多小時才返家,老公全程冇蒲頭。

表面 open的伍姑娘,因為玩得兼永遠擺出一副食仔格,故是港男騷嘉賓鐵腳。但其實她用情專一,婚後多年零緋聞。

兩公婆不時甜蜜外遊,但關係是否表裡合一?

伍詠薇兩公婆結婚 17年,一直在人前表現恩愛,結婚周年更例必甜蜜慶祝,鋪相上網放閃。

匿車兩粒鐘

泊好位,二人落車由車頭鑽入中座,就算當晚天氣接近三十度高溫,兩人亦一直匿在車廂內兩粒鐘。

其間, D胸女全程冇落車,至於剝去恤衫著住老底的練海棠,則間中落車抖氣飲水,這晚熱辣辣的他,更要用成支礦泉水淋頭降溫。

車價九十萬避震力強的七人車再舒服,但歡樂時光過得特別快!又係時候走人,練海棠返回前座,開車送 D胸女返筲箕灣耀東邨,二人未 say goodbye已難捨難離,女方再次折返前座傾多五分鐘,之後再來個吻別。

有個體貼老婆,偷食更加要識抹嘴!有經驗的練海棠 happy一晚後,先仔細執拾好車廂,才施施然返屋企交人。

當晚匿喺車廂偷嗒屋邨妹兩粒幾鐘後,練海棠終於落車回一回氣,再行去車尾箱攞水,女方坐喺中座左邊,架車前前後後都拉晒窗簾。

同條女困獸鬥兩粒鐘,練海棠落車飲啖事後水先。

由日頭黐實到夜晚,兩個喺南灣纏綿過後,十點幾練海棠載 34D艷女返筲箕灣屋企,兩個又嘴又拖難捨難離 say goodbye。

練海棠用嚟嗒女嘅 90萬 Alphard七人車,避震力強,該型號的宣傳冊子亦標明:「座位編排隨心所欲,寬敞空間舒適無比。」

撰文、攝影、攝錄:娛樂組


鍾意就快D Share啦!