2016年6月25日 星期六

戴蘊慧 英物業 帳面蒸發280萬 __,戴蘊慧,

真真獲英國發展商保證兩年租金回報,對英鎊動盪未驚過!
戴蘊慧英物業帳面蒸發280萬英國「脫歐」已成定局,香港不少藝人、名人在英國都有投資物業保值,戴蘊慧、任達華對「脫歐」衝擊英倫樓巿未有擔心,反而睇好前景,戴蘊慧的單位獲發展商保證兩年租金回報,任達華則吼實英鎊的跌勢,適當時候便會入貨。真真獲英國發展商保證兩年租金回報,對英鎊動盪未驚過!香港不少藝人、名人在英國都有投資物業,隨着英國「脫歐」,衝擊金融巿場,英鎊及當地樓巿都受到波動影響,上月底前藝人戴蘊 ...


戴蘊慧 英物業 帳面蒸發280萬

英國「脫歐」已成定局,香港不少藝人、名人在英國都有投資物業保值,戴蘊慧、任達華對「脫歐」衝擊英倫樓巿未有擔心,反而睇好前景,戴蘊慧的單位獲發展商保證兩年租金回報,任達華則吼實英鎊的跌勢,適當時候便會入貨。

香港不少藝人、名人在英國都有投資物業,隨着英國「脫歐」,衝擊金融巿場,英鎊及當地樓巿都受到波動影響,上月底前藝人戴蘊慧(真真)無懼「公投」在即,豪擲4,500萬港元在英國曼徹斯特狂掃8個單位,以昨日匯價計算,相對一個月前英鎊價位跌了6.3%,真真投資的8個單位帳面不見了約280萬元,但真真昨日在電話中說:「完全冇擔心過,之前啲朋友問我估脫歐定留歐?當時我覺得大部分機會係脫歐,但我覺得對樓巿冇乜太直接影響。」

任達華趁低買英鎊

真真坦言在英國投資物業主要看長線發展,她說:「我唔覺得英國脫歐就冧,脫歐一定有利於佢嘅前景因素喺度,我覺得前景應該係好嘅,講到脫歐好似世界末日咁係好短視嘅睇法。」談到真真購入的8個單位將分兩年收樓,她說:「發展商好好,Guarantee咗兩年租金回報,攞咗鎖匙後佢哋會搵租客,租金夠Cover供款,仲有錢落袋,冇嘢要煩。」

真真喜歡英國曼城的景色,早前斥資購入當地多個單位。
  • 真真喜歡英國曼城的景色,早前斥資購入當地多個單位。
名媛胡幗英在英國擁有物業。
  • 名媛胡幗英在英國擁有物業。
名媛胡幗英
  • 名媛胡幗英
投資有道的任達華打算趁低吸納英鎊,老婆琦琦唔使憂!
  • 投資有道的任達華打算趁低吸納英鎊,老婆琦琦唔使憂!

早年已在英國投資買樓的任達華同樣對「脫歐」不感擔心,他說:「都仲有兩年,但係移民政策會放寬,吸引多啲亞洲人過去,單一巿場依然仲有好多歐洲人喺英國做嘢,大家唔使擔心,動盪一定會有,咁先係好時機,有危必有機。」他更建議英鎊再跌時,可再買入。

胡幗英買Fund損手

而太子珠寶鐘錶的鄧鉅明太太透露:「我喺英國得一間屋,就算樓價跌都唔會依家放賣,我覺得英國相對其他歐洲地方經濟算穩定,所以唔太擔心,都抱觀望態度。」名媛胡幗英在英國亦有物業,其中一個更是明年才入伙的樓花,對於英國脫歐,她大感愕然:「我喺英國唔多物業,但兩年前買咗個Fund專用嚟投資英國、歐洲股票,損失一定有,但我冇計。(會否向租客加租?)暫時唔敢郁,而且好多都簽咗死約冇得話加就加。」又透露昨日趁英鎊跌買入了少許。

文:音樂組


鍾意就快D Share啦!