石天欣，又名「石破天欣」，佢有幾堅？今晚突然喺微博開post大大隻字寫住「Bye Bye Lancôme」。冇錯，你冇聲錯，係喺微博講呀！當年佢喺「雨傘運動」嗰陣，畀人拎咗佢嗰張《仁心解碼II》被強姦嘅劇照，話係被「佔領人士發洩情欲」，搞到佢本人都share呢段消息(相關新聞： http://bit.ly/1UcLwZr )。日前佢仲喺ig開post寫住「我都係黃絲」，仲爆seed寫咗一段，應該除咗某幾位敢言藝人之外，或者台灣嘅陳昇之外，應該都藝人敢講嘅說話。全文係因為何韻詩被大陸冠以「港獨」罪名、施壓Lancôme取消與之合作開始。石天欣係咁講嘅：「我都係黄絲 你係咪都都要叫我港獨？
其實呢幾日嘅報道真係令我諗起自己。前年撐雨傘運動，但前經理人公司唔畀我講我撐。因為佢係撐警，又話驚影響我工作，所以叫我唔好去嗰度，唔好講我支持嘅説話。但我都無理，我照去，我照支持。因為我想對得住自己，我唔想自己後悔。「講真，想當年出啲報道話我離開大台之後人工好過之前好多。其實無報道寫咁誇張，因為好多時候經理人都會私底下同記者改答案，有時就要我背答案答問題。「講真，好多時候都唔係我想講嘅説話。我唔想做一個機械人，一個受人控制嘅人，講我唔想講嘅説話。所以我間唔中都會同佢哋有對撞。「今日我有見到人留言畀Hocc，話佢其實係咪要多謝Lancôme，因為呢件事增大咗佢嘅fans圈。但我好想講，我相信好多人，都會忽然上Lancôme page撐Hocc，留言或整個angry icon，我哋唔係忽然變咗佢fans，而係我哋都係因為問題出現而去撐，撐我哋自己嘅香港，撐香港人。「我希望唔會有人想話我趁呢個時間呃Like。我只係想講真話，由前年起，我有認真正視，如果我繼續喺香港做一個藝人，我係咪要做一個偽人、講一啲唔係真嘅説話，賺到錢但自己唔開心，所以喺不久嘅將來，我可能寜願做一個100%嘅普通人，去做一個真嘅石天欣。「喺劇裡面嘅角色，常常令人覺得我係好(軟)弱，前經理人就想我做到係一個好可愛嘅人，而真正認識我嘅人，就知我係粗魯、成個男人咁，一個有咩講咩(嘅人)。我真誠到可能成日得罪人，但我係唔鍾意浪費時間講假話，閒時忽略表情管理。所以好多人以為我好cool，但其實我只係唔想做啲咩表情嚟表現你睇。好哪，唔講哪。」hashtag係「#不喜勿插直接unfollow就可」此外，石天欣前經理人公司星秀堂發言人曾小姐短訊回覆：「每個人有自己發言權，適唔適合自己決定，其他事不作回應。」
|
鍾意就快D Share啦！
|
|
|
