近年甚少公開露面嘅天后級王菲，自從2011年3月喺香港亞洲博覽館開騷後，一直只係聽到佢復出開騷嘅消息，但就完全「有頭冇尾」嘅。
阿里巴巴投得主辦權
不過最近就有消息爆出，話王菲將於今年年尾12月29同30日喺上海舉行演唱會，29號一場係包場，不作對外開放，而30號場次則會作公開售票。有指主辦單位將豪擲1.6億人民幣製作演唱會，而最貴門票暫定為13,888人民幣（約16,370港元），最平則為3,000人民幣（約3,500港元）；而另外有消息就話，最貴門票票價為9,800蚊人仔，即係約港元11,500。另亦盛傳阿菲開出1億人民幣天價代理費，又有傳阿里巴巴已經投得王菲演唱會主辦權。
而王菲經理人陳家瑛，亦已回覆《東網》確認王菲年尾開騷消息：「阿菲的確會是會在年底開演唱會，至於詳情暫未可公布，到時間成熟一定會通知大家。」雖然王菲今次開騷嘅票價相當昂貴，但仍無損粉絲們嘅熱情，佢哋一收到王菲開騷嘅消息，即刻留言話：「有生之年終於等到我王菲。」、「真的是真的！我竟然能等到這一天！簡直不敢相信！提神醒腦！」
來源 source: http://hk.on.cc
|
鍾意就快D Share啦！
|
|
|
