2016年6月22日 星期三

楊思琦撐睇《起跑線》學到嘢:好啱家長 __,思琦,楊思琦,

郭羨妮(左)同楊思琦嘅諗法都好正面,好值得大家學習。無綫真人騷節目《沒有起跑線?》昨晚首播,節目中母親Irene發表「贏在子宮裏」及「贏在射精前」理論,因而備受不少網民狠批,但亦有網民撐節目反映現實。無綫昨晚開播一連五集的真人騷節目《沒有起跑線?》,節目探討現時家長如何催谷小朋友及如何令下一代進入所謂的「人生勝利組」。節目中的母親Irene現時有個一歲半兒子,同時更懷孕五個月,原本一直沒有催谷過大 ...


郭羨妮(左)同楊思琦嘅諗法都好正面,好值得大家學習。

無綫真人騷節目《沒有起跑線?》昨晚首播,節目中母親Irene發表「贏在子宮裏」及「贏在射精前」理論,因而備受不少網民狠批,但亦有網民撐節目反映現實。

無綫昨晚開播一連五集的真人騷節目《沒有起跑線?》,節目探討現時家長如何催谷小朋友及如何令下一代進入所謂的「人生勝利組」。節目中的母親Irene現時有個一歲半兒子,同時更懷孕五個月,原本一直沒有催谷過大仔的她,直至兒子參加幼兒班面試時,方驚覺兒子已輸在「起跑線」。故在節目中,她於產檢期間揚言要「贏在子宮裏」及「贏在射精前」。

節目接獲投訴:用字粗鄙

節目播出後,相關內容被指教壞「港媽」,Irene更遭受網民抨擊,直斥她怪獸家長及不愛錫兒子,節目亦因而接獲投訴,指內容偏頗、嘩眾取寵及用字粗鄙,而圈中不少身為人母親的藝人,都對此言論發表看法。

思琦:唔使太憂慮

楊思琦接受訪問時坦言有收看節目,現時女兒正讀K1的思琦坦言:「緊張都會緊張,但真係冇諗過『贏在子宮裏』呢啲嘢,好誇張,要計到個BB幾時出世,唔會咁樣做。」談到為小朋友搵學校,思琦坦言以前自己都有準備,但就沒如節目中的家長那般緊張,但她坦言有興趣繼續收看該節目,她謂:「都幾啱家長睇,睇吓大家諗法、內心世界係點,但就唔使太憂慮、太擔心。」’

郭羨妮:順其自然啦

同樣育有一女的郭羨妮表示沒有看該節目,但坦言聽完都覺得好大壓力,她謂:「『贏在子宮裏』同『贏在射精前』言論真係太誇張,我覺得順其自然我不嬲唔想咁大壓力話要去鬥、揀學校,最緊要小朋友開心、快樂。大個後出到社會佢哋已經要面對好多壓力,所以自己唔會逼個女,讀邊間學校都好,最緊要努力讀書,唔畀心機讀名校都冇用,最緊要小朋友快樂,將來性格都會好。」


來源 source: http://hk.on.cc
鍾意就快D Share啦!