李珊珊微博宣布拍賣港姐后冠。
近日被傳腦生瘤嘅38歲前港姐冠軍李珊珊，佢已經公開否認，尋日忽然喺微博宣布要拍賣港姐后冠！
1996年獲選港姐冠軍嘅佢，近年已經絕迹娛圈，佢喺微博表示自己蘊釀咗五年時間去做呢個決定，又指將后冠閒置咗二十年不見天日，大感可惜，所以想將一件有紀念價值嘅嘢，將佢變得更有意義。佢又話明知無可避免會有爭議，佢都依然下定決心去拍賣后冠，更指就算后冠唔喺身邊，「港姐冠軍」呢個名聲都會跟隨佢直到永生。李珊珊寫道：「今天是2016年6月2日。我決定將香港小姐后冠以拍賣形式捐出，所得款項將不扣除任何經費，全數捐助六間慈善機構。」
佢強調選擇拍賣形式是佢本人意願，不過拍賣日子或過程等細節，都未有任何具體方案，但就希望過程係喺陽光下進行，方式亦要最簡潔、不製造任何多餘費用同唔衍生利益之下，免除任何令捐助變質嘅情況。
之後佢再次發文，指由決定公布到當下，收到全部都係支持嘅聲音，心存感激。而佢下一步將會物色對此類活動有經驗嘅人士，更邀請網友提供有關籌辦嘅注意事項。每一個細節都會喺微博公開、透明。
來源 source: http://hk.on.cc
|
鍾意就快D Share啦！
|
|
|
