「日以繼夜」人人識講，但絕非個個做到！連日來除了不斷來回火場滅火的消防員作出完美示範，和他們出生入死的裝備同樣「有靈有性」堅持到最後。填詞人梁栢堅在facebook轉載一段相信是來自牛池灣消防局一名消防員的留言截圖，稱該局一輛編號「NCW MP F410」消防泵車「由第一日做到而家未熄過車未停過泵」，落更後會為「老友記」洗白白答謝，盡顯鐵漢柔情。留言短短一夜間已獲逾1.3萬人畀Like，更有人封它做「神之車」！該名消防員留言稱，焚燒108小時的大火令不少泵車「頂唔順入廠」，但「F410」泵車卻日以繼夜不停供水，「果然勁老友記，辛苦你。」一段重情重義的留言感動萬人，有人留言稱泵車仿如有靈性，在重要時刻答謝消防員平日悉心照顧，「可能平時消防員打理得佢乾乾淨淨今次先無發脾氣同各位消防員頂落去」，《蘋果》今早在火場仍見到「神之車」在場。根據消防處資料，簡稱「MP」的泵車主要是負責提供水源，可從內置水缸、街井或任何開放水源輸水。由於泵車是消防處主要裝備，必堅固耐用，傳統上採用英國Dennis的車身，加上瑞典廠商Scania的車身底盤，車輛總重量達1.45萬公斤。有網民就稱，幸好泵車並非國產，直言「交咗嘅稅，洗係呢度先覺得無白交。」【網民咁講】
Ricky Shir：平時所有消防員一定好錫架車，一上戰場，即時交足表現，一齊努力。仲要多謝一班平時幫所有車做足保養嘅維修師傅。
Kay Kong：交咗嘅稅，洗係呢度先覺得無白交。
Benny Ho：車都有靈性同感覺，Good job...F410
Danial Chan：平時點樣保養呢架車，好值得其他使用單位參考。
Tammy Fok：果然係同伙計出生入死的好兄弟。
Chan Tony：如果係國產車，後果難以想像！
Elaine Kwong：「一帶一路」嘅錢拎嚟畀消防加返啲設備同加佢哋人工仲好佢哋先係真正做嘢嘅人！個價值同嗰堆垃圾人根本冇得比！
|
鍾意就快D Share啦！
|
|
|