現年53歲、今年5月再做新郎哥的鄭敬基（Joe）在instagram上載躺在醫院病床的照片，手上更插滿喉，阿Joe留言透露手術成功，並感謝其主診醫生及其團隊，沒有說到是所患何病及進行那種手術，只說手術做了兩個半小時，知道家人及親友們擔心，他留言：「大家請放心已康復中。」
「有條心臟嘅血管九成幾塞咗」
今日《東網》聯絡上Joe，他表示留院兩日半，至今午剛出院回家休息的他原來是周五晚進行了一次「介入性心導管」的大手術（簡稱通波仔），手術進行了兩個半小時，由兩位醫生同時主理，在電話中聲音洪亮的Joe表示：「件事發生得好快嘅，諗唔諗到，避過隨時猝死嘅可能，亦都係一個奇迹、神迹嚟嘅。我做咗一個叫簡稱通波仔嘅手術，我心臟有條主要嘅血管LM（左冠狀動脈主幹）差唔多九成幾塞咗。」
姨丈把脈發現問題
Joe又說在4月時在加拿大舉行一個預演婚禮的派對，順便探訪太太Angie住在卡加利的二姨丈陳偉中醫師，除留在姨丈家中住外，因姨丈亦是當地一名資深中醫師，去到醫館時一時貪玩順便把脈，姨丈指他：「你個心一定有嘢喎，你返去（香港）搵西醫驗證一吓啦。」當時他仍不以為意，覺得平時有做運動、飲食又清淡應問題不大，雖然他有將此事放在心中，可是因為忙籌備婚禮，又要準備蜜月旅行，回港後又要忙拍電視劇，所以將此事延遲。但太太的阿姨很有心，她着在港的醫院護士長好友為Joe安排入院檢查。
Joe表示最初循例到其Office檢查時一切並無大礙：「之後佢就話如果要詳細就要去醫院做測試，心電圖、超聲波等等，我個主診醫生係之前吳孟達嘅心臟科醫生，好好彩有最好嘅醫生喺度。」他解釋自己心臟有三條線（血管），其中一條特別幼，而這一條就負責心臟的五分一肌肉，因為有其餘兩條分擔，所以一直都沒有辛苦、頭暈的感覺。
手術前去睇早場
Joe坦言整個經歷如在鬼門關走過，由發現到做手術只是一日內的事：「星期五入院，星期六朝早做心臟壓力測試、心電圖、超聲波，完成冇問題，係差個顯影嘅電腦素描，我諗住冇咩大礙仲去咗睇早場，個戲院收唔到訊號，出到嚟就見到家人、太太Call我，原來個顯影顯示有個血管九成塞咗，醫生話我如果做咗危險運動或者做多咗，啲血到唔到就會心臟病，所以我即刻嗰晚返到去，11點幾就做手術，成件事喺幾個鐘內發生，原來心臟病喺下一個劇烈運動旁邊，之前嗰晚仲同太太喺公園做咗劇烈運動。」
已經可以做運動
Joe又表示相中見到手上貼滿膠布並不是吊鹽水所留下，他說：「其實係通波仔嘅新科技，喺手嗰到條主要血管到入去，跟住去心臟，兩個幾鐘喺半麻醉下進行，所以我好清楚知道醫護團隊係非常之專業，根據醫生講我依家可以運動架喇！」
提醒大家注意身體
Joe直言因為報道出街後，有很多朋友關心自己，所以決定一定要將事件分享給大眾，同時亦希望自己的經歷可以提醒大家注意身體：「我都覺得自己食得好清，朋友成日叫我唔好唔食甜嘢，但原來食得清又有做運動都會發生，可以幻想到香港有幾多朋友，如果佢唔運動，仍然有依啲（問題）喺心就係一個好大計時炸彈，難怪心臟病係香港係第二大殺手，如果唔係同依個太太，又唔去探姨丈就唔會發現，所以我都好感恩，希望幫到啲人，做多啲恒常檢查。」
|
鍾意就快D Share啦！
|
|
|