澳門賭業猛人周焯華(洗米華)喺倫敦陪緊待產嘅Mandy Lieu生B，咁啱噚日又有人提供佢哋帶住個囡去食西餐嘅相出嚟，大晒一家三口樂也融融。那邊廂嘅正印洗米嫂陳慧玲（Heidi）噚日同今日都喺朋友圈有發照片同留言，一張係嘟起個嘴，一張係用手指按住下唇扮嬌俏嘅相，睇佢呢2張相嘅神情都幾精神煥發，再睇埋佢寫嘅嘢，似乎決定咗要離婚嘅Heidi，已經放開咗。噚晚洗米嫂可能因為感情方面有太多打擊，不過喺傷痛過咗之後，還是要堅強地生活下去，所以佢有感而發留言：「人生一個磨練的過程，如果不經歷風雨，永遠都不會成熟，我們應該在陽光下燦爛，風雨中奔跑。對自己說一聲昨天挺好，今天很好，明天會更好。」到今日佢再發相同留言，今次寫嘅嘢睇得出老公不忠，佢心底有抹不去嘅傷痛，但佢不斷告訴自己，新的一天，新的起航：「不管昨夜經歷了怎樣的撕心裂肺，早晨醒來這個城市依然車水馬龍。沒有人在意你失去了甚麼，沒有人關心你快不快樂，這個世界不會為了任何人停下前進的步伐。你只能銘記或者遺忘，那一站你愛過或者恨過的旅程，那一段你拼命努力卻感覺不到希望的日子，都會過去。新的一天，新的起航，做最好的自己。」洗米華雖然好艷福，早輪係咁送樓俾老婆同情人Mandy，但其實佢生意有好多暗湧，業務嘅嘢煩死佢，因為澳門賭業生意大跌7成，呢2年佢嘅賭業生意發得好大，但冇諗到最近成個賭業生意會差成咁，所以公司都要開源節流，聽聞黃柏高主管嘅太陽娛樂之前都要裁員減少開支，慳得幾多就慳幾多，對投資拍戲都冇以前咁鬆手。
來源 source: http://hk.apple.nextmedia.com
|
鍾意就快D Share啦！
|
|
|