掃呢頁CODE去手機

2016年7月18日 星期一

【又落錯注…】35歲李施嬅疑甩富商再搵有錢仔 慘變第三者? __,李施嬅,李詩韻,

「胡說八道」會,成員之一嘅杏兒,今年嫁咗俾Philip(李承德),做咗李太,姚子羚同的士邦(鄭子邦)感情穩定,而胡定欣同音樂人陳明道(Terry)就傳度緊婚期。好姊妹齊齊有着落,至於成員李施嬅(Selena),上年傳佢戀富商潘樹維等做少奶奶……眼見姊妹個個有個好歸宿,一心諗住入豪門嘅李施嬅,之前同富商潘樹維感情穩定嗰陣,刻意減產玩低調,奈何埋門疑一腳撻Q,今年35歲嘅佢要結婚生B嗰陣,盛傳要「重新 ...




其他影片:>>






「胡說八道」會,成員之一嘅杏兒,今年嫁咗俾Philip(李承德),做咗李太,姚子羚同的士邦(鄭子邦)感情穩定,而胡定欣同音樂人陳明道(Terry)就傳度緊婚期。好姊妹齊齊有着落,至於成員李施嬅(Selena),上年傳佢戀富商潘樹維等做少奶奶……眼見姊妹個個有個好歸宿,一心諗住入豪門嘅李施嬅,之前同富商潘樹維感情穩定嗰陣,刻意減產玩低調,奈何埋門疑一腳撻Q,今年35歲嘅佢要結婚生B嗰陣,盛傳要「重新上市」,原來最近又有新目標。今日有讀者李先生,向《蘋果》爆料指,李施嬅近半年為結識富二代,不時同姚子羚一班姐妹,約本身做公關嘅丁子高出嚟聚會,乘機吊金龜。舊年聖誕,李施嬅就結識咗富二代Felix Chow,旋即打得火熱。從李先生提供嘅相中,只見合照中,飲到面紅紅嘅姚子羚、胡定欣同李施嬅,就同傳聞撻着嘅Felix Chow一齊影相,丁子高亦有份在場。不過讀者李先生指Felix Chow,本身有個已拍拖10多年嘅正印女友,所以只係當李施嬅係part time情人……!喺李先生提供嘅另一張相,就係Felix Chow同相信係正印女友嘅合照。照咁講,唔通李施嬅今次又……又落錯注?!《蘋果》今日打畀丁子高,佢回覆話:「呢幅相好耐,3至4個月前,嗰晚係一個20幾人聚會,知道姚子羚會帶Selena嚟,Felix係我朋友,但冇撮合過,之後聚會我都冇見過!」

有傳李施嬅同富商潘樹維好事近,但近日有傳二人已分手! 「胡說八道」會個個成員都有着落,淨得李施嬅唔上唔落!
同潘樹維熱戀時! 但對鏡頭好避忌!
讀者李先生指Felix有位拍拖10多年嘅正印女友(Felix facebook圖片)

鍾意就快D Share啦!