滕麗名話佢啲期一早爆晒啦，認真犀利！
藝員滕麗名（阿滕）現身節目《myTV SUPER呈獻：萬千星輝放暑假》，問到是否因人氣勁而獲公司安排撐場？她笑說：「都係咁啱出席到，有好多年都冇出大型活動。（力谷人氣搶視后？）又唔係嘅。（有準備表演？）都係臨時出席到咋。（太忙？）啱啱喺外地返嚟，嚟緊要去馬來西亞拍劇，不過都有接受Bobby（歐陽震華）邀請，喺30號飛返嚟同大家睇大結局。（胡定欣會嚟？）應該會，除非有工作你哋又唔講張頴康？你哋有冇留意呀，佢所有宣傳活動都冇出過嚟，咁佢應該同所有人不和」阿滕又爆料指張頴康拍劇時患牛皮癬：「佢有甩啲頭髮頭皮、啲燈光打到見唔到咁，我都好佩服燈光！」
多廣告接洽
談到最近因新劇而人氣高企，問有否多了工作？阿滕說：「啲期一早爆晒啦，有好多嘢要拍。（纖體廣告添食？）未知喎，都好多年前。（加價？）之前續咗約啦，有機會再傾吓。最近係多咗廣告傾緊，好似啲潛水同潛水亞洲大使咁。（考個教練牌？）費事害人啦，自己玩吓就算啦。」
來源 source: http://hk.on.cc
|
鍾意就快D Share啦！
|
|
|
