尺度咁大？靚靚呢張相勁似冇着衫，唔少網民都問靚靚係咪裸體呀！
「靚靚」袁詠儀早前就同老公張智霖（Chilam）、仔仔魔童去咗意大利度假！阿仔魔童當時就不斷上載新相搶晒阿爸阿媽風頭！不過，原來靚靚返到嚟香港先發威甫性感靚相，仲畀網友問係咪裸照𠻹！
佢尋晚就喺微博晒咗幾張同Chilam嘅合照，阿仔就唔見影喇！而當中最令人超驚喜嘅就係佢同Chilam鴛鴦戲「泥」照！佢哋兩公婆去咗浸泥漿浴，一面都係泥嘅靚靚就輕輕箍住赤裸上身（應該唔係全裸啩）嘅Chilam！不過驟眼睇，露出香肩嘅靚靚疑似半裸，唔少網民都留言問「是裸體嗎？」仲驚呼要人工呼吸呀！靚靚雖然已經係人母，但魅力依然驚人！
不過，睇真啲，其實靚靚係有着衫嘅（好似係），只係咁啱張相又畀佢個水印遮住，出到嚟就勁似裸體！而佢就留言：「第二波照片來了！第一張認出我嗎？」網民都大讚好似時光倒流咁，佢哋兩個都好青春呀！
PS：跪求全相…呀…係全身相先啱！！！
來源 source: http://hk.on.cc
|
鍾意就快D Share啦！
|
|
|
