掃呢頁CODE去手機

2016年7月30日 星期六

Pokemon:上班族商場邊食邊補給 捉精靈換禮券贏到盡 __,Pokemon,

於商場內捕捉3隻小精靈,即有機會贏取商場現金禮券。PokémonGO掀起全港捉小精靈狂熱,每逢lunchtime或者放工時間,返工一族紛紛周圍去收服小精靈,有時仲玩到廢寢忘食。為咗方便大家邊玩邊食飯,有商場由即日起,每日都會於指定時間內,使用小精靈誘餌LureModule,幫大家引小精靈現身;商場仲推出「捉精靈,換禮券」優惠,於場內捉3隻精靈就可以換現金券,分分鐘捉到稀有精靈再贏多餐飯。新鴻基地產 ...


於商場內捕捉3隻小精靈,即有機會贏取商場現金禮券。

Pokémon GO掀起全港捉小精靈狂熱,每逢lunch time或者放工時間,返工一族紛紛周圍去收服小精靈,有時仲玩到廢寢忘食。為咗方便大家邊玩邊食飯,有商場由即日起,每日都會於指定時間內,使用小精靈誘餌Lure Module,幫大家引小精靈現身;商場仲推出「捉精靈,換禮券」優惠,於場內捉3隻精靈就可以換現金券,分分鐘捉到稀有精靈再贏多餐飯。

新鴻基地產旗下位於新蒲崗的Mikiki,由即日起每日中午12點至下晝2點,及傍晚6點至8點,分2個時段免費喺場內2個PokéStop「撒櫻花」,將附近出沒嘅小精靈引晒埋嚟,方便大家逐隻收服,之後再去挑戰鄰近嘅道館。如果商場內出現罕有精靈,商場Facebook專頁仲會即時發放消息。

櫻花雨下,各種小精靈亦相繼現身。記者昨日lunch time喺商場內,就見到有蛋蛋、喵喵怪、行路草、護主犬等,仲有CP值超高嘅比卡超;同場仲有訓練員見到超罕見嘅啟暴龍同卡比獸,收穫豐富。

咁啱撞正食飯時間,捉到肚餓點算?只要喺活動期間(即日起至7月31日),於商場內捕捉到任何3隻小精靈,將手機截圖上載至個人Facebook再hashtag #mikiki,就可以去商場顧客服務中心,換領$50新地商場現金禮券1張,場內3分2嘅商舖都適用,咁就可以喺商場食嘢補給兼休息一下。現金禮券名額每日20個,先到先得,送完即止。

郭先生同一對仔女行經商場時,見到咁多小精靈出沒,都忍唔住捉返2隻。佢認為捉精靈換禮券呢個活動幾吸引,如果贏到張禮券,就會喺商場入面食飯;至於囝囝就非常孝順,諗住用嚟買禮物畀就嚟生日嘅媽咪。另一位訓練員林同學,都打算用禮券幫襯商場食肆,補充完體力再去挑戰鄰近道館。

活動期間,商場亦會提供其他優惠,包括消費滿指定金額可享3小時「坐轎車捉精靈」服務,及送iTunes或Google Play卡優惠,詳情可參閱商場Facebook專頁。新鴻基地產旗下另外4個商場,包括東港城、wtc more世貿中心、上水廣場及將軍澳中心,亦會同時舉行活動,在指定時間「撒櫻花」及提供同樣優惠,真係去到邊都可以輕輕鬆鬆捉精靈!


來源 source: http://hk.on.cc
鍾意就快D Share啦!