網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月10日 星期日

【真係好Pure!】25年嚟冇拍過拖 小龍揀女神嫌江若琳:佢有男朋友啦! __,女神,江若琳,

上回講到落選今屆港男複試嘅「人氣」參選者小龍,覺得自己因為唔夠大隻所以落選,問到佢現時嘅感情生話,佢話:「一直25年嚟都無拍過拖,都係單身,因為以前中學都係讀男校,冇咩機會識女仔,出到嚟做嘢追嗰啲女仔都有男朋友。」問到佢心目中嘅女神係邊種類型?小龍認真咁諗咗陣:「徐子珊、鍾嘉欣嗰類,不過佢哋太高大,如果矮番少少可能適合啲。(點解唔揀江若琳?)江若琳佢有男朋友啦本身。」但鍾嘉欣結埋婚添喇喎……有唔少 ...




其他影片:>>






上回講到落選今屆港男複試嘅「人氣」參選者小龍,覺得自己因為唔夠大隻所以落選,問到佢現時嘅感情生話,佢話:「一直25年嚟都無拍過拖,都係單身,因為以前中學都係讀男校,冇咩機會識女仔,出到嚟做嘢追嗰啲女仔都有男朋友。」問到佢心目中嘅女神係邊種類型?小龍認真咁諗咗陣:「徐子珊、鍾嘉欣嗰類,不過佢哋太高大,如果矮番少少可能適合啲。(點解唔揀江若琳?)江若琳佢有男朋友啦本身。」但鍾嘉欣結埋婚添喇喎……有唔少網民話小龍似「腦細」林日曦,佢自己又知唔知?小龍話有留意「腦細」嘅facebook同Instagram:「覺得好似佢隻眼細啲。」咁佢同「腦細」邊個好樣啲?小龍話:「佢應該好睇啲,仲有啲似《寵物小精靈》入面嘅小剛。」問佢《寵物小精靈》幾耐?佢話:「應該都18、9年,97年我6、7歲小學一年級開始。(最鍾意邊個角色?)比卡超同佢嘅進化型雷超都OK嘅。」小龍仲話自己平時鍾意聽J-Pop,打足球game同睇波,最近嘅歐國盃都有睇囉。喺網上除咗同「腦細」似樣外,講得最多嘅就係話佢「毒L」,小龍自己又知唔知呢?佢話:「高登嗰啲成日都批評我,我舊年參加嗰個《猛龍特囧》男神選舉,跟住都有人咁話我。」俾人抨擊有冇唔開心?小龍就好樂觀:「每個人都有缺點o架啦,佢哋咁樣話我都無可厚非,惟有去改進佢。」除咗踩其實都有人讚嘅,小龍就話:「間唔中fb上有人inbox我話加油,跟住噚日喺街都有啲人認得我同我合照叫我加油努力,雖然已經落選,明明冇咩交往都支持我,好多謝佢哋。」

小龍25年嚟都無拍過拖。(採訪:曹家誠)(攝影:沈健程) 小龍性格好樂觀。
早前以「小智x蜘蛛俠」look,參加無綫「2016年香港先生」初試,好搶鏡!

鍾意就快D Share啦!